फरवार्ड माइक्रोफाइनान्स र सपोर्ट लघुवित्तको लाभांश सुरक्षित गर्ने आज अन्तिम दिन
२०८१ मंसिर १३ गते बिहीबार ।
बैंकको खबर । आज दुई वटा लघुवित्तको लाभांश सुरक्षित गर्ने अन्तिम दिन रहेको छ। फरवार्ड माइक्रोफाइनान्स लघुवित्त वित्तीय संस्था र सपोर्ट लघुवित्त वित्तीय संस्थाले मंसिर १४ गते शुक्रबार बुक क्लोज गर्दैछन् । यसअनुसार आजसम्म नेप्सेमा कारोबार भई कायम सेयरधनीहरुले लघुवित्तको साधारणसभामा सहभागि हुन र वितरण गर्ने लाभांश प्राप्त गर्न सक्नेछन् ।
फरवार्ड माइक्रोफाइनान्स लघुवित्त वित्तीय संस्था लिमिटेडले मंसिर २८ गते, शुक्रबार, सुनसरीको दुहवी स्थित दिनेश चौधरी स्मृति प्रतिष्ठानको सभाहलमा १२औँ वार्षिक साधारणसभा बोलाएको छ। साधारणसभा बिहान ११ बजे शुरु हुनेछ। सभाले हाल कायम चुक्ता पूँजीको १३.३० प्रतिशत बोनस सेयर र सोको कर प्रयोजनार्थ ०.७० प्रतिशत नगद लाभांश वितरण गर्ने सञ्चालक समितिको प्रस्ताव पारित गर्नेछ।
यस्तै, सपोर्ट लघुवित्त वित्तीय संस्था लिमिटेडले पुस ६ गते, शनिबार, सुनसरीको इटहरी स्थित दुर्गा पार्टी प्यालेसमा दशौँ वार्षिक साधारण सभा बोलाएको छ। साधारणसभा बिहान ११ बजे शुरु हुनेछ। सभाले हाल कायम चुक्ता पूँजीको १३.७७५ प्रतिशत बोनस सेयर र सोको कर प्रयोजनार्थ ०.७२५ प्रतिशत नगद लाभांश वितरण गर्ने सञ्चालक समितिको प्रस्ताव पारित गर्नेछ।
All banking information at your fingertips.
शेयर गर्नुहोस
सम्बन्धित समाचार
