झिनो अंकले घट्यो सेयरबजार
सेयर खबर । सेयरबजार मंगलबार सामान्य अंकले घटेको छ । नेप्से परिसूचक १.८५ अंकले घटेर दुई हजार १० दशमलव २१ को बिन्दुमा कायम भएको हो ।
कारोबार भएका २४४ कम्पनीमध्ये १२७ वटाको सेयरमूल्य घटेको छ भने १०९ वटाको बढेको छ । दुई अर्ब २९ करोड १६ लाख रुपैयाँको ६१ लाख ३१ हजार छ सय २१ कित्ता सेयर किनबेच भएको छ ।
फाइनान्स, लगानी, जीवन बीमा लघुवित्त, म्युचुअल फन्ड र व्यापार समूह बढेका छन भने बैंकिङ, विकास बैंक, होटल तथा पर्यटन, जलविद्युत्, उत्पादन तथा प्रशोधन, निर्जीवन बीमा, र अन्य समूह घटेका छन्।
गुराँस लघुवित्तको सेयर मूल्यमा सकारात्मक सर्किट लागेको छ भने गणपत्ति लघुवित्त सेयर मूल्य ९.९५ प्रतिशतले बढेको छ । सबैभन्दा धेरै ज्योति विकास बैंक बण्ड–२०८७ को मूल्य ७.५० प्रतिशतले घटेको छ ।
मंगलबार लगानीकर्ताको सम्पत्ति जम्मा तीन अर्ब रुपैयाँले घटेको छ । बजार पुँजीकरण ३१ खर्ब ८७ अर्बमा झरेको छ ।
All financial information at your fingertips.
शेयर गर्नुहोस
सम्बन्धित समाचार
