कृषि विकास बैंकको मोवाइल बैंकिङ नयाँ भर्जनमा
बैंक खबर । कृषि विकास बैंकले विद्युतीय भुक्तानीको कारोवारमा जोड दिएको छ । डिजिटल्ली एडीबीएल भन्ने नाराका साथ विद्युतिय माध्यमबाट हुने कारोवारलाई प्राथमिकता साथ संचालन तथा परिमार्जन गरिरहेको छ । बैंकले भदौ २२ गतेबाट आफ्नो मोवाइल बैकिङ सिस्टम स्तरोन्नती गरेको छ ।
बैंकका करिव पाँच लाख मोवाइल बैंकिङ सेवा प्रयोगकर्ताहरुको कारोवारको सुरक्षा तथा थप सेवा उपयोग गर्न सरल र सहज हुने हिसावले आकर्षक इन्टरफेससहित मोवाइल बैंकिङको नयाँ भर्जन एडीबीएल स्मार्ट प्लस जारी गरेको बैंकका प्रमुख कार्यकारी अधिकृत गोविन्द गुरुङले जानकारी दिएका छन् । बैंकको नयाँ भर्जन एडीबीएल स्मार्ट प्लसमोवाइल बैंकिङमा निम्न वमोजिमका सुविधाहरु रहने बैंकले जनाएको छ ।
मोवाइल बैंकिङको युजर पासवर्ड प्रयोग गरी वेबबाट लगइन गर्न सकिने र यसरी लगइन गर्दा इन्टरनेट बैंकिङ सेवा सरहको भुक्तानी सीमा कायम हुने ।
बैंकले उपलब्ध गराएका डेविट कार्ड, मुद्धती खाता, व्यक्तिगत कर्जा लगायतका सेवाहरुको व्याजदर, कारोवार रकम तथा परिपक्व मिति हेर्न सकिने ।
विभिन्न वालेटहरुमा व्यालेन्स लोड गरी कारोवार गर्न सकिने ।
मोवाइलको लेआउटमा पर्याप्त ध्यान दिई सेवाग्राहिका लागि सजिलो युजर इन्टरफेस तयार गरिएको ।
ग्राहक सेवामा देखिएका समस्याहरु तथा जानकारीहरु सम्प्रेषण गर्न सकिने गरी ग्राहक फिडब्याकसब्न्धी व्यवस्था गरिएको ।
कारोवारको म्ष्कउगतभीयमनभ गर्न सकिने
बैंकले उपलब्ध गराएको डेविट कार्ड हराएमा वा चोरी भएमा मोवाईल बैंकिङबाट कार्ड ब्लकका लागि अनुरोध गर्न सकिने ।
डेवीट कार्डको पिन विर्सेमा पुनः अनुरोध गर्न सकिने ।
चेक वुक तथा बैंक विवरण अनुरोध गर्न सकिने ।
वचत खातामा भएको रकमबाट मुद्धती खाता खोल्न सकिने ।
रजिष्ट्रेशन गर्दाका वखत नै विभिन्न प्रश्नहरु सेटगरी मोवाइल बैंकिङ कारोवारलाई थप सुरक्षीत गर्न सकिने ।
दोहोरो अथेन्टिकेसन गरी कारोवारको सुरक्षा गर्न सकिने ।
खातावालाको प्रोफाइल, खाताको विवरण, कारोवारको विवरण लगायत अन्य क्वीक पेमेन्ट सम्बन्धी विशेषताहरु थप भएको ।
बैंकका विभिन्न सेवाहरुको जानकारी प्राप्त गर्न सकिने व्यवस्था भएको ।
विभिन्न मर्चेन्टहरुको विल भुक्तानी गर्न सकिने ।
अनलाइन खाता, व्याजदर, व्रान्च नेटवर्क लगायत बैंकका विभिन्न सेवाहरुको जानकारी लिन सकिने
रजिष्टर्ड मोवाइलबाट ग्राहकले मोवाइल बैंकिङ सेवा वन्द गर्न चाहेमा ब्लक लेखि ३२४२५ मा एसएमएस पठाएर सेवा रोक्का गर्न सकिने ।
All financial information at your fingertips.
शेयर गर्नुहोस
सम्बन्धित समाचार
