ज्योति विकास बैंकद्वारा डिजिटल हस्ताक्षर प्रयोगको सुरुवात
.jpg)
बैंकको खबर । ज्योति विकास बैंक लिमिटेडले डिजिटल हस्ताक्षर प्रयोगमा ल्याएको छ। बैंकले कम्पनी रजिष्ट्रारको कार्यालयले २०८१ साउन १७ गते प्रकाशन गरेको सूचना बमोजिम डिजिटल हस्ताक्षर सेवा सुरु गरिएको जनाएको छ ।
डिजिटल हस्ताक्षर प्रणाली सुचारु भए पछि कम्पनी रजिष्ट्रारको कार्यालयसँग सम्बन्धित कानुनी कागजात प्रमाणीकरण तथा पत्राचार प्रक्रिया थप सुरक्षित, पारदर्शी र सहज हुने विश्वास लिएको छ । साथै भौतिक रूपमा उपस्थित भई कागजात पेश गर्नुपर्ने बाध्यता हटेको छ । बैंकले भविष्यमा पनि डिजिटल हस्ताक्षरको प्रयोगलाई बढाई आफ्नो कार्य प्रक्रियालाई थप प्रभावकारी र सुरक्षित बनाउने उद्देश्य राखेको जनाएको छ ।
डिजिटलाइजेसन र डिजिटल बैंकिङ सेवालाई सक्रिय रुपमा प्रवर्द्धन गर्दै आएको ज्योति विकास बैंकले ग्राहकहरूलाई सुविधाजनक र सुरक्षित पहुँच प्रदान गर्ने डिजिटल बैंकिङ प्लेटफर्महरूलाई थप व्यवस्थित गर्दै विभिन्न अत्याधुनिक सुविधाहरू उपलब्ध गराइरहेको छ। बैंकले डिजिटल बैंकिङ प्रवर्द्धनसँगै समग्र बैंकिङ सूचनाप्रणालीको सुरक्षा, सरलता, र सुदृढता थप बढाउन Hyperconverged Infrastructure (HCI) मा आधारित अत्याधुनिक सर्वर प्रणालीलाई लागू गरेको जनाएको छ। हालै, बैंकले डिजिटल बैंकिङ अनुभवलाई अझ प्रभावकारी बनाउनको लागि नयाँ, परिष्कृत, र प्रयोगकर्तामैत्री आधिकारिक वेबसाइट पनि सुचारु गरेको छ।
बैंकले भिडियो बैंकिङ मार्फत अनलाइन खाता खोल्ने व्यवस्थाकासाथै डिजिटल बैंकिङलाई थप सरल र विश्वसनीय बनाउने उद्देश्य सहित कासबैंकहरूमा पहिलो पटक क्यूआर कोडमार्फत भुक्तानीको जानकारी भ्वाइस मेसेजबाट तत्काल प्राप्त गर्नसकिने क्यूआर अडियो बक्स प्रविधि, डेबिट कार्ड बिना नै मोबाइल बैंकिङ एप मार्फत एटीएमबाट पैसा झिक्न सकिने सेवा, एप बाटै मुद्दती खाता खोल्न सकिने सुविधा, विदेशी अनलाइन माध्यमहरूबाट खरिद गरिने सामग्री र सेवाको रकम स्वदेशबाटै भुक्तानी गर्न सकिने प्रिपेड डलर कार्ड सेवा, र चेक बुक बिना नै मोबाइल बैंकिङ एप मार्फत क्यूआर कोड स्क्यान गरेर रकम झिक्न सकिने सेवा लागू गरेको छ।
साथै, बैंकले देशका विभिन्न स्थानहरूमा व्यवसायीहरूलाई प्रदान गरिरहेको निःशुल्क क्यूआर कोडसेवाले ग्राहकलाई डिजिटल कारोबार गर्न प्रोत्साहित गर्दै, डिजिटल बैंकिङलाई थप प्रवर्द्धन गर्दै देशभर डिजिटल भुक्तानी सेवाको विस्तारमा योगदान पुर्याइरहेको जनाएको छ।
संस्थागत सुशासनलाई शिरोपर गर्दै, समाजप्रति उत्तरदायी यस विकास बैंकले नवीनतम चिन्तनका साथ समाजको अभ्युदय र दिगो परिवर्तनको संवाहक बन्दै समस्त नागरिकको जीवन जाज्वल्यमान बनाउने उद्देश्यलाई सदैव उच्च प्राथमिकतामा राख्ने कार्यलाई निरन्तरता प्रदान गर्ने र आगामी दिनहरू पनि परिवर्तनको ज्योति बन्ने अठोट प्रति प्रतिबद्धरहेको बैंकले जनाएको छ। आफ्नो खुद मुनाफाबाट नेपालमा हाल सञ्चालनमा रहेका अन्य बैंक तथा वित्तीय संस्थाहरुले सामाजिक उत्तरदायित्व अन्तर्गत समाजिक कार्यमा गर्ने योगदान भन्दा ५० प्रतिशत बढी रकम छुट्याई समाजप्रति थपउत्तरदायी बनेको यस विकास बैंकले नागरिकको सर्वोत्तम हित सदा उच्च प्राथमिकतामा राखेको छ।
स्वास्थ्यप्रद जनशक्ति नै राष्ट्र निर्माणको मेरुदण्ड हो भन्ने दृढ़ मान्यतालाई शिरोधार्य गर्दै, विकास बैंकले नवजात शिशुको अकाल मृत्यु रोकथाम र जीवन रक्षा गर्न चालेको स्पष्ट पहलकदमी तथा योगदानले हालसम्म करिब ९०० भन्दा बढी नेपाली शिशुहरुको अमूल्य जीवन रक्षा गर्न सफल भएको जनाएको छ। यस्ता जिवन रक्षण गर्ने अतिप्रमुख क्षेत्रमा नेपालमा रहेका बैंक तथा वित्तीय संस्थाहरू मध्ये ज्योति विकास बैंकले अग्रस्थानमा रही काम गर्दै समाजमा एक सकारात्मक परिवर्तनको बीजारोपण गरेको छ।
ज्योति विकास बैंकले उपत्यका र उपत्यका बाहिर गरीहाल १२१ शाखाकार्यालय, ३ विस्तारित काउन्टर तथा ७५ वटाएटीएममार्फत बैंकिङ सेवा उपलब्ध गराउँदै आइरहेको छ।
शेयर गर्नुहोस
सम्बन्धित समाचार
