फेरि घट्यो बैंकहरुको ब्याजदर

बैंकको खबर । धेरैजसो वाणिज्य बैंकहरुले कात्तिक महिनाका लागि ब्याजदर घटाएर सार्वजनिक गरेका छन् । व्यक्तिगत मुद्दति निक्षेपको औसत ब्याजदर ६.१९ प्रतिशतमा झरेको छ । असोजमा औसत ब्याजदर ६.३८ प्रतिशत थियो । 

सार्वजनिक भएका ब्याजदरसम्बन्धी विवरणहरुअनुसार २० वटा वाणिज्य बैंकमध्ये १० वटाले ब्याजदर घटाएका छन् । ९ वटा वाणिज्य बैंकले असोज महिनाकै ब्याजदरलाई निरन्तरता दिएका छन भने एउटाले ब्याजदर बढाएको छ ।

सबैभन्दा धेरै ब्याजदर हिमालयन बैंकले घटाएको छ । हिमालयनले असोजको तुलनामा ०.७५ प्रतिशत विन्दुले ब्याजदर घटाएको छ । 

सानिमा बैंकले भने ०.२५ प्रतिशत विन्दुले ब्याजदर बढाएको छ । 

कात्तिक महिनामा व्यक्तिगत मुद्दति निक्षेपमा सबैभन्दा बढी ब्याज माछापुच्छ्रे बैंकले दिने भएको छ । यस्तै सबैभन्दा कम ब्याज कृषि विकास बैंक र सिटिजन्स बैंक इन्टरनेसनलले दिने भएका छन् ।

All banking information at your fingertips.

२०८१ असोज ३० गते बुधबार ।

सम्बन्धित समाचार

मनाङमा ४९.९५ मेगावाटको दानाखोला जलविद्युत आयोजना निर्माण गरिँदै

लिटरमा ११ रुपैयाँ बढ्यो दूधको मूल्य

कृषि विकास बैंक, आईएफसी र कर्जा सूचना केन्द्रबीच सम्झौता