बैंकहरुले फेरि घटाए ब्याजदर, कुन बैंकको ब्याजदर कति ?

बैंक खबर । अधिकांश वाणिज्य बैंकहरुले ब्याजदर घटाएका छन् । बैंकहरुले सोमबार मुद्दति निक्षेपको नयाँ ब्याजदर सार्वजनिक गरेका छन् । २० वाणिज्य बैंकमध्ये १३ वटाले ब्याजदर घटाएका छन भने पाँच वटाले असारकै ब्याजदरलाई निरन्तरता दिएका छन् । बाँकी दुई वटा बैंकले ब्याजदर बढाएका छन् ।

समग्रमा वाणिज्य बैंकहरुको ब्याजदर औसत ०.१४ प्रतिशत विन्दुले घटेको छ । औसत ब्याजदर ६.८७ प्रतिशत कायम भएको छ । 

कृषि विकास बैंक र एभरेष्ट बैंकले ब्याजदर बढाएका छन् । स्टान्डर्ड चार्टर्ड, नेपाल इन्भेष्टमेन्ट मेगा बैंक, नबिल बैंक, नेपाल एसबीआई बैंक र लक्ष्मी सनराइज बैंकले असार महिनाकै ब्याजदरलाई निरन्तरता दिएका छन् । 

वित्तीय प्रणालीमा निक्षेप निरन्तर बढी रहेको छ । असार महिनामा मात्रै सवा दुई खर्ब भन्दा बढी निक्षेप बढेको छ । प्रणालीमा अधिक तरलताको स्थिति छ । बैंकहरुले कर्जा प्रवाह बढाउन सकेका छैनन् । यसको असर बैंकहरुको ब्याज लागतमा परेको छ । यहीकारण बैंकहरुले ब्याजदर घटाएर आफ्नो लागत कम गर्न खोजेको देखिन्छ । ब्याजदर घटाउन बैंकहरुबीच प्रतिस्पर्धा नै चालेको छ । 

वाणिज्य बैंकहरुको व्यक्तिगत मुद्दति निक्षेपको ब्याजदर (प्रतिशत)

सम्बन्धित समाचार

बैंक शब्दको सुरुवात कसरी भयो? हेर्नुहोस् बैंकिङ अवधारणा र विकास

सिभिल लघुवित्तको साधारणसभाले पारित गर्यो ११ प्रतिशत बोनस सेयर

नेपालमा बैंकको इतिहास, जान्नुहोस् बैंकको विकासक्रम