चीनले सुरु गर्यो विश्वको पहिलो '१०जी' ब्रोडब्यान्ड नेटवर्क
२०८२ वैशाख १० गते बुधबार ।
अन्तर्राष्ट्रिय । चीनले '१०जी' ब्रेडब्यान्ड नेटवर्क सुरु गरेको छ । हेबेई प्रान्तको सुनान काउन्टीमा यही अप्रिल २० देखि यो नेटवर्कको सुचारु गरेको हो । यहाँ जीले गेगाबाइटलाई जनाउँछ । यो नेटवर्कको सुरुवात हुवावे र चाइना युनिकमले संयुक्तरुपमा गरेका हुन् ।
यो विश्वको पहिलो व्यावसायिक वायर्ड ब्रोब्यान्ड नेटवर्क हो जसले प्रतिसेकेन्ड १० गेगाबाइटसम्मको गति प्रदान गर्दछ ।
यो '५जी' वा '६जी' जस्ता वायरलेस मोबाइल नेटवर्कहरुजस्तो होइन । यसले उन्नत फाइबारअप्टिकल प्रविधि '५०जी' प्यासिभ अप्टिकल नेटवर्क प्रयोग गर्दछ ।
यसले ३ मिलिसेकेन्ड लेटन्सीसहित ९,८३४ एमबीपीएसको डाउनलोड गति र १,००८ एमबीपीएसको अपलोड गति प्रदान गर्दछ ।
शेयर गर्नुहोस
सम्बन्धित समाचार
