कुमारी सुनौलो लगानी योजनामा आवेदन दिने म्याद थप, चैत २३ गतेसम्म आवेदन दिन सकिने
बैंक खबर । कुमारी क्यापिटलले चैत ९ गतेदेखि बिक्री खुला गरेको कुमारी सुनौलो लगानी योजनाको आवेदन दिने म्याद थप गरेको छ । क्यापिटलले योजनाको इकाईमा आवेदन दिने म्याथ चैत २३ गतेसम्म थप गरिएको जनाएको छ ।
क्यापिटलले एक अर्ब रुपैयाँ बराबरको प्रतिइकाई १० रुपैयाँ अंकित मूल्यका १० करोड इकाई निष्काशन गरेको थियो । कुमारी सामूहिक लगानी कोष अन्तर्गत सञ्चालन हुने यो योजना खुलामुखि योजना हो ।
क्यापिटलले ५० करोड रुपैयाँ बारबरको ५ करोड इकाई सार्वजनिक निष्काशन मार्फत बिक्री गर्नेछ भने बाँकी ५ करोड इकाई इकाई योजना व्यवसपकले तोकेको वितरक मार्फत निरन्तर खरिद बिक्रीका लागि खुला गर्नेछ ।
क्यापिटलले कुल निष्काशन गर्न लागेको इकाईको १५ प्रतिशत (१ करोड ५० लाख) इकाई कोष प्रबद्र्धक कुमारी बैंकका लागि सुरक्षित राखेको छ । बाँकी मध्ये ३ करोड ५० लाख इकाईका लागि सर्वसाधारणले आवेदन दिन सक्नेछन् ।
इच्छुक लगानीकर्ताले न्यूनतम १०० इकाई देखि अधिकतम ५० लाख इकाईका लागि अवेदन दिन सक्नेछन् ।
१ अर्ब रुपैयाँको कुल आकार रहेको यो योजनाको प्रारम्भिक आकार ५० करोड रुपैयाँ रहेको छ । योजनाको निष्काशनमा न्यूनतम ५० प्रतिशत अर्थात २ करोड ५० लाख इकाई बिक्री हुनुपर्नेछ । सो आकारको इकाई बिक्री नभएमा योजना खारेज भई १२ दिनभित्र आवेदकको रकम फिर्ता गर्ने प्रक्रिया सुरु हुने क्यापिटलले जनाएको छ ।
All financial information at your fingertips.
शेयर गर्नुहोस
सम्बन्धित समाचार
