राष्ट्रिय वाणिज्य बैंकको ऋणपत्रको बिक्री खुला
२०८२ वैशाख ७ गते आइतबार ।
बैंकको खबर । राष्ट्रिय वाणिज्य बैंकले आज (वैशाख ७ गते)देखि दुई अर्ब ५० करोड रुपैयाँ बराबरको ऋणपत्र बिक्रीमा ल्याएको छ ।
बैंकले २५ लाख कित्ता ऋणपत्र निष्काशन गर्ने गरी नियामक निकाय नेपाल धितोपत्र बोर्डबाट स्वीकृति पाएको थियो । सात वर्ष अवधिको उक्त ऋणपत्रमा लगानी गर्नेले वार्षिक सात प्रतिशत ब्याज प्राप्त गर्नेछन् ।
एक हजार रुपैयाँ अङ्कित मूल्यको ऋणपत्रमा लगानीकर्ताले कूल २५ कित्तादेखि २५ सम्पूर्ण कित्ताका लागि आवेदन दिन सकिनेछ ।
बैंकले दुई अर्ब ५० करोड रुपैयाँ बराबरको कूल निष्काशन मध्ये ६० प्रतिशतले हुन आउने एक अर्ब ५० करोड मूल्य बराबरको १५ लाख कित्ता व्यक्तिगत प्रयोजनका लागि छुट्याएको छ । ४० प्रतिशतले हुने एक अर्ब रुपैयाँ बराबरको १० लाख कित्ता सर्वसाधारणका लागि निष्काशन गरेको छ । जसमध्ये ५० हजार इकाइ सामूहिक लगानी कोषका लागि छुट्याइएको छ ।
नौ लाख ५० हजार कित्तामा भने सर्वसाधारणले लगानी गर्न पाउने व्यवस्था गरिएको छ ।
धितोपत्र बिक्री प्रबन्धक सानिमा क्यापिटल रहेको छ । ऋणपत्र खरिद गर्न इच्छुक लगानीकर्ताले यही वैशाख १० गते आवेदन गर्न सक्नेछन् । सो अवधिसम्म माग भएजति आवेदन नपरेमा वैशाख २१ गतेसम्म आवदन दिन पाउने समय लम्बिनेछ ।
बैंकलाई केयर रेटिङ नेपालले ‘केयर एनपी ए प्लस’ रेटिङ प्रदान गरेको छ ।
All banking information at your fingertips.
शेयर गर्नुहोस
सम्बन्धित समाचार
