नियम विपरित काम गर्ने १५ वटा बैंक तथा वित्तीय संस्थामाथि राष्ट्र बैंकको कारवाही
२०८१ माघ १० गते बिहीबार ।
बैंकको खबर । नियमि विपरित काम गर्ने १५ वटा बैंक तथा वित्तीय संस्थालाई नेपाल राष्ट्र बैंकले कारवाही गरेको छ ।
आर्थिक वर्ष २०८१(८२ को दोस्रो त्रैमासमा नियामकीय निर्देशन पालना नगरेको भन्दै राष्ट्र बैंकले ७ विकास बैंक र ८ फाइनान्स कम्पनीका प्रमुख कार्यकारी अधिकृतलाई कारवाही स्वरुप सचेत गराएको छ ।
लुम्बिनी विकास बैंक, महालक्ष्मी विकास बैंक, कामना सेवा विकास बैंक, मुक्तिनाथ विकास बैंक, सालपा विकास बैंक, गरिमा विकास बैंक र सप्तकोशी डेभलपमेण्ट बैंकका प्रमुख कार्यकारी अधिकृतलाई कारबाही गरेको हो ।
यस्तै, समृद्धि फाइनान्स, पोखरा फाइनान्स, प्रोग्रेसिभ फाइनान्स,आइसीएफसी फाइनान्स, जानकी फाइनान्स कम्पनी, सेन्ट्रल फाइनान्स, रिलायन्स फाइनान्स तथा गुडविल फाइनान्सका प्रमुख कार्यकारी अधिकृतलाई पनि कारवाही स्वरुप सचेत गराएको छ ।
All banking information at your fingertips.
