कृषि विकास बैंकको अठारौँ वार्षिक साधरणसभा सम्पन्न
२०८१ पुस २९ गते सोमबार ।
बैंकको खबर । कृषि विकास बैंक लि.को आर्थिक वर्ष २०८०/८१ अठारौँ वार्षिक साधरणसभा बैंकको केन्द्रिय तालिम प्रतिष्ठान बोडे भक्तपुरमा मिति पुस २९ गते सोमबार सम्पन्न भएको छ ।
बैंकले देशका अति दुर्गम देखि सुगम ठाउँहरुमा २८२ वटा शाखाहरु मार्फत आधुनिक बैकिङ सेवा पु¥याउन सफल भएको जनाएको छ । नेपालका बाणिज्य बैंकहरुमध्ये कृषिमा सबै भन्दा बढी लगानी गरेको कृषि विकास बैंक लि.को अठारौँ वार्षिक साधरणसभा बैंक सञ्चालक समितिका अध्यक्ष रामशरण पुडासैनीको अध्यक्षतामा सम्पन्न भएको हो ।
उक्त साधरणसभामा बक्ताको रुपमा भाग लिएका सेयरधनीहरुले उठाएको जिज्ञासका सम्बन्धमा सञ्चालक समिति अध्यक्ष पुडासैनीले स्पष्ट पारेका थिए । साथै उनले सेयरधनीहरुबाट प्राप्त सुझावहरुलाई नियमानुसार कार्यन्वयन गर्दै जाने प्रतिवद्धता समेत व्यक्त गरे ।
सेयरधनीहरुको वाक्लो उपस्थिती रहेको उक्त साधरणसभामा विभिन्न निकाय÷संघ÷संस्थाका प्रतिनिधि, बैंकमा कार्यरत उच्च व्यवस्थापक, कर्मचारीहरु र बैंक सञ्चालक समितिका सदस्यहरु दीर्घराज मैनाली, डा.हरीबहादुर के.सी., गोविन्दप्रसाद भट्टराई, संजिव पौडेल, विनोदकुमार गुरागाँई , रीता सुवेदी र प्रमुख कार्यकारी अधिकृत गोविन्द गुरुङको उपस्थिती थियो । साधरणसभाको सञ्चालन बैंकका कम्पनी सचिव हिमलाल पौडेलले गरेका थिए ।
All banking information at your fingertips.
शेयर गर्नुहोस
सम्बन्धित समाचार
