पाँच महिनामा वाणिज्य बैंकहरुले कमाए ३० अर्ब ५९ करोड रुपैयाँ नाफा

२०८१ पुस २९ गते सोमबार । 

बैंकको खबर । वाणिज्य बैंकहरुले चालू आर्थिक वर्ष २०८१÷८२ को पहिलो ५ महिना (साउन देखि मंसिर)मा ३० अर्ब ५९ करोड ३१ लाख रुपैयाँ नाफा कमाएका छन् । यो नाफा १९ वटा वाणिज्य बैंकहरुको हो । कृषि विकास बैंकको नाफा सार्वजनिक भएको छैन । 

समग्रमा एक वर्ष अघिको तुलनामा बैंकहरुको नाफा ७.८४ प्रतिशत बढेको छ । गत आर्थिक वर्षको पहिलो पाँच महिनामा बैंकहरुले २८ अर्ब ३६ करोड ७८ लाख रुपैयाँ नाफा कमाएका थिए । 

विवरण सार्वजनिक भएकामध्ये १३ वटा वाणिज्य बैंकको नाफा बढेको छ भने ६ वटाको घटेको छ । नेपाल एसबिआई बैंकको नाफा सबैभन्दा धेरै ९०.४८ प्रतिशत बढेको छ भने नबिल बैंकले सर्वाधिक नाफा कमाएको छ । 

नबिल बैंकले मंसिरसम्म ३ अर्ब ४९ करोड रुपैयाँ खुद नाफा कमाएको छ । बैंकले गतवर्ष पाँच महिनामा २ अर्ब ९६ करोड रुपैयाँ कमाएको थियो । 

नबिल पछि धेरै नाफा कमाउने बैंक ग्लोबल आइएमई बैंक रहेको छ । ग्लोबल आइएमईले २ अर्ब ८३ करोड रुपैयाँ कमाएको छ । यसपछि नेपाल इन्भेष्टमेन्ट मेगा बैंकले २ अर्ब ४९ करोड रुपैयाँ कमाएको छ । यस्तै, कुमारीले १ अर्ब ९९ करोड, प्राइम कमर्सियलले १ अर्ब ९६ करोड, एभरेष्ट बैंकले १ अर्ब ९४ करोड, एनएमबिले १ अर्ब ९० करोड र प्रभुले १ अर्ब ८३ करोड रुपैयाँ खुद नाफा कमाएका छन् । 

सबैभन्दा कम एनआइसी एसिया बैंकले ६३ करोड ३४ लाख रुपैयाँ कमाएको छ । सिटिजन्स बैंक इन्टरनेशनल पनि कम नाफा कमाउने बैंकहरुमध्ये दोस्रो स्थानमा छ । सिटिजन्सले ६९ करोड ४९ लाख रुपैयाँ कमाएको छ । माछापुच्छ्रे बैंकले ८२ करोड ७४ लाख रुपैयाँ, राष्ट्रिय वाणिज्य बैंकले ८६ करोड ७१ लाख रुपैयाँ नाफा कमाएका छन् । 

एक अर्ब रुपैयाँ भन्दा कम नाफा कमाउने बैंकहरुमा सिद्धार्थ बैंक, सानिमा बैंक, राष्ट्रिय वाणिज्य बैंक, माछापुच्छ्रे बैंक, सिटिजन्स बैंक, एनआईसी एसिया बैंक छन् । 

हिमालयन बैंक, नेपाल इन्भेष्टमेन्ट मेगा बैंक, राष्ट्रिय वाणिज्य बैंक, सिटिजन्स बैंक इन्टरनेशनल, सानिमा र एनआईसी एशिया बैंकको नाफामा गिरावट आएको छ । 

All banking information at your fingertips.

सम्बन्धित समाचार

बैंक शब्दको सुरुवात कसरी भयो? हेर्नुहोस् बैंकिङ अवधारणा र विकास

सिभिल लघुवित्तको साधारणसभाले पारित गर्यो ११ प्रतिशत बोनस सेयर

नेपालमा बैंकको इतिहास, जान्नुहोस् बैंकको विकासक्रम