भारतीय सेयरबजार एक वर्षमा साढे २८ प्रतिशत बढ्नसक्ने अनुमान
२०८१ मंसिर २३ गते आइतबार ।
अन्तर्राष्ट्रिय । अमेरिकी ब्रोकरेज फर्म मोर्गन स्टेनलीले भारतको अर्थतन्त्र स्थिर रहने अनुमान गरेको छ । सेयर बजारको वर्तमान प्रवृत्ति कायम रहेमा सेन्सेक्सले एक वर्षमा १,०५,००० को स्तर छुन सक्ने अनुमान पनि गरेको छ । यो हालको स्तरबाट साढे २८ प्रतिशत बढी हुन्छ ।
बलियो आन्तरिक लगानीका कारण भारत २०२५ मा उत्कृष्ट प्रदर्शन गर्ने उदीयमान बजारहरू मध्ये एक हुन सक्ने अनुमान गरेको हो ।
कच्चा तेलको मूल्य लगातार प्रति ब्यारेल ७० डलरभन्दा तल रह्यो भने सेन्सेक्सले यो स्तर हासिल गर्ने अनुमान मोर्गन स्टेनलीको छ । यसका कारण मुद्रास्फीति घट्नेछ र आरबीआईले सोचेभन्दा बढी ब्याजदर घटाउनेछ।
बजार समान्य प्रवृतिमा रहेपनि अर्को एक वर्ष सेन्सेक्सले ९३००० को स्तर छुन सक्ने अनुमान गरेको छ ।
यदी बजारमा मन्दी आयो भने सेन्सेक्स हालको स्तरबाट एक वर्षमा अहिलेको विन्दुबाट १४.३ प्रतिशतले झरेर ७० हजारसम्म पुग्न सक्ने मोर्गन स्टेनलीको अनुमान गरेको छ ।
शेयर गर्नुहोस
सम्बन्धित समाचार
