लगातार पाँच दिन बढ्यो सुनको भाउ
२०८१ मंसिर ७ गते शुक्रबार ।
बैंकको खबर । नेपाली बजारमा सुनको भाउ लगातार ५ दिनदेखि बढीरहेको छ । नेपाल सुन–चाँदी व्यवसायी महासंघका अनुसार आज शुक्रबार पनि छापावाल सुन प्रतितोल १५ सय रुपैयाँले बढेर १ लाख ६५ हजार ५०० रुपैयाँ कायम भएको छ । पाँच दिनमा मात्रै सुनको भाउ ५५ सय रुपैयाँले बढेको छ ।
आज चाँदीको भाउ भने घटेको छ । महासंघका अनुसार तोलामा १० रुपैयाँले घटेर १९ सय ४० रुपैयाँ कायम भएको छ ।
अन्तर्राष्टिय बजारमा तय हुने भाउको आधारमा नेपाली बजारमा पनि मूल्य निर्धारण हुने गर्छ । रुस युक्रेन र मध्यपूर्वभा जारी युद्धका कारण विश्व बजारमा सुनको माग बढ्दै गएको छ । यसको असरले अन्तर्राष्ट्रिय बजारमा सुनको मूल्य वृद्धि हुँदा त्यसको असर नेपाली बजारमा पनि परेको व्यवसायीहरुले जानकारी दिएका छन् ।
शेयर गर्नुहोस
सम्बन्धित समाचार
