नेपालको क्रेडिट रेटिङ डबल बी माइनस, लगानीका लागि जोखिमयुक्त
२०८१ मंसिर ६ गते बिहबार ।
अर्थतन्त्र । अन्तर्राष्ट्रिय रेटिङ एजेन्सी ‘फिच’ले नेपालको क्रेडिट रेटिङ प्रतिवेदन सार्वजनिक गरेको छ । फिचले नेपालको दीर्घकालीन विदेशी मुद्रा रेटिङलाई ‘डबलबी माइनस’ मा राखेको छ । जसले आर्थिक अवस्था सकारात्मक रहेको तर लगानीका लागि अझै वातावरण बन्न बाँकी रहेको (जोखिमयुक्त) संकेत गर्छ ।
प्रतिवेदनमा राजनीतिक स्थिरता र विकास आयोजनाहरु कार्यान्वयनमा सहजता भए आर्थिक सुधार हुने उल्लेख गरिएको छ । रेटिङले नेपालको न्यून र उच्च सहुलियतपूर्ण बाह्य ऋणको बोझ, बलियो बाह्य तरलता र जलविद्युत क्षेत्रमा देखिएको वृद्धि सम्भावनाहरूलाई इंगित गरेको छ ।
क्रेडिट रेटिङ एजेन्सीले मुलुकको आर्थिक तथा राजनीतिक वातावरणको स्वतन्त्र मूल्यांकन गर्छ र रेटिङ प्रदान गर्छ । जसबाट विदेशी लगानीकर्ताहरुले त्यो देशमा लगानी गर्न कत्तिको सुरक्षित छ भनेर मूल्यांकन गर्न पनि यस्तो रेटिङ हेर्ने गर्छन ।
यस्तै अन्तर्राष्ट्रिय बजारमा ऋणपत्र (बोन्ड) जारी गरी ऋण उठाउनका लागि क्रेडिट रेटिङ अनिवार्य हुन्छ । क्रेडिट रेटिङले विदेशी लगानी आकर्षित गर्न पनि सहयोग पु-याउँछ ।
शेयर गर्नुहोस
सम्बन्धित समाचार
