दुई वाणिज्य बैंकको लाभांश सुरक्षित गर्ने आज अन्तिम दिन
२०८१ मंसिर ६ गते बिहीबार
बैंकको खबर । आज प्राइम कमर्सियल बैंक र ग्लोबल आइएमई बैंकको लाभांश सुरक्षित गर्ने अन्तिम दिन हो । यी दुवै बैंकले लाभांश तथा साधारणसभा प्रयोजनको लागि मंसिर ९ गते आइतबार बुक क्लोज गर्दैछन् । मंसिर ७ गते शुक्रबार र ८ गते सनिबार परेको र सो दिन नेपाल स्टक एक्सचेन्जमा सेयर कारोबार बन्द हुने भएकाले आज मंसिर ६ गतेसम्म सेयर किन्ने सेयरधनीले साधारणसभामा सहभागी हुन र लाभांश प्राप्त गर्न सक्नेछन् ।
प्राइम कमर्सियल बैंकले गत आर्थिक वर्षको नाफाबाट लगानीकर्तालाई कर सहित ५ प्रतिशत नगद लाभांश वितरण गर्दैछ । सो लाभांश पारित गर्न बैंकले मंसिर १९ गते वार्षिक साधारणसभा बोलाएको छ । साधारणसभा आर्मी अफिसर्स क्लब, भद्रकाली, काठमाडौंमा बिहान ११ बजे सुरु हुनेछ ।
ग्लोबल आइएमई बैंकले गत आर्थिक वर्षको नाफाबाट लगानीकर्तालाई ५.५० प्रतिशत बोनस सेयर वितरण गर्दैछ । सो लाभांश प्रस्ताव पारित गर्न बैंकले मंसिर २७ गते वार्षिक साधारणसभा बोलाएको छ । सभा नेपाल प्रज्ञा–पतिष्ठान, कमलादी, काठमाडौंमा बिहान १० बजे सुरु हुनेछ ।
All banking information at your fingertips.
शेयर गर्नुहोस
सम्बन्धित समाचार
