बैंकहरुले कर्जा विस्तार गर्न सकेनन, प्रणालीबाट फेरि ५० अर्ब तान्दै राष्ट्र बैंक
२०८१ कात्तिक २५ गते आइतबार ।
बैंकको खबर । बैंक तथा वित्तीय संस्थाले कर्जा विस्तार गर्न नसक्दा प्रणालीमा लगानीयोग्य रकम थुप्रिएपछि राष्ट्र बैंकले फेरि ५० अर्ब रुपैयाँ तरलता प्रशोचन गर्ने भएको छ ।
केन्द्रीय बैंकले आज (कात्तिक २५ गते) २१ दिन अवधिको निक्षेप संकलन उपकरण मार्फत ५० अर्ब रुपैयाँ तरलता खिच्न लागेको हो । निक्षेप दिन चाहने बैंक तथा वित्तीय संस्थाले घटीमा १० करोड रुपैयाँ र बढीमा ५ करोडले भाग गर्दा निःशेष भाग जाने गरी कुल आह्वान रकमसम्म बोलकबोल गर्न सक्नेछन् ।
निक्षेप संकलनको बोलकबोल ब्याजदरमा गर्नुपर्नेछ । राष्ट्र बैंकले बहुब्याजदरमा समेत बोलकबोल गर्न सकिने जनाएको छ ।
निक्षेप संकलन उपकरणको बोलकबोलमा ‘क’, ‘ख’ र ‘ग’ वर्गका बैंक तथा वित्तीय संस्थामात्र सहभागी हुन पाउनेछन् ।
यस निक्षेप संकलन उपकरणको मंसिर १६ गते साँवा तथा ब्याज भुक्तानी गर्नेछ । यसअघि बैंकले कात्तिक २१ गते प्रणालीबाट १ खर्ब रुपैयाँ तरलता प्रशोचन गरेको थियो ।
All banking information at your fingertips.
शेयर गर्नुहोस
सम्बन्धित समाचार
