सेयरबजारमा उत्साह, निर्जीवन बीमामा यसकारण लगानीकर्ता आकर्षित
बैंकको खबर । सेयरबजारमा आज (मंगलबार) नेप्से परिसूचक ४६.६९ अंकले बढेर २६९२.०५ विन्दुमा पुगेको छ । छ अर्ब १२ करोड ८२ लाख रुपैयाँ बराबरको एक करोड ३३ लाख ७३ हजार ४८१ कित्ता सेयर किनबेच भएको छ ।
कारोबार भएका २४३ कम्पनीमध्ये २२१ वटाको सेयरमूल्य बढ्दा बजारमा उत्साह देखिएको हो । तर १७ कम्पनीका सेयरधनीले गुमाएका छन भने पाँच कम्पनीको सेयरमूल्य स्थिर रहेको छ ।
आज निर्जीवन बीमा समूहमा लगानीकर्ता झुम्मिए । यो समूह ३.६० प्रतिशत बढ्यो । निर्जीमा बीमा कम्पनीहरुको व्यवसाय बढेको तथ्यांक सार्वजनिक भएपछि लगानीकर्ता यो समूहमा झुम्मिएको विश्लेषण गरिएको छ । गत आर्थिक वर्षको पहिलो त्रैमासमा १० अर्ब ४४ करोड बीमा शुल्क संकलन गरेका निर्जीवन बीमा कम्पनीहरुले यस वर्षको पहिलो त्रैमासमा ११ अर्ब ३८ करोड रुपैयाँ संकलन गरेका छन् ।
आज कारोबारमा आएका सबै समूहका सूचक बढेका छन् । बैंकिङ समूह १.६० प्रतिशत, विकास बैंक २.३२, फाइनान्स ०.३८, होटल तथा पर्यटन २.७७, जलविद्युत २.०३, लगानी १.३६, जीवन बीमा १.८०, उत्पादन तथा प्रशोधन ०.९७, लघुवित्त १.५०, म्युच्युअल फण्ड १.३३, व्यापार ०.३५ र अन्य १.५७ प्रतिशत बढेको छ ।
कारोबार बन्दहुँदासम्म सप्तकोशी डेभलपमेन्ट बैंक, सानिमा जीआईसी इन्स्योरेन्स, कुथेली बुखरी स्मल हाइड्रोपावरको सेयरमूल्य १० प्रतिशत बढेको छ । समृिद्धि फाइनान्सको सेयर कारोबार सबैभन्दा धेरै २४ करोड ७१ लाख रुपैयाँको भएको छ ।
All banking information at your fingertips.
शेयर गर्नुहोस
सम्बन्धित समाचार
