समता घरेलु लघुवित्तको एफपीओ निष्काशन, आजदेखि आवेदन दिन सकिने
बैंकको खबर । समता घरेलु लघुवित्त वित्तीय संस्था लिमिटेडले आज (२०८१ कात्तिक १२ गते) देखि थप सार्वजनिक निष्काशन (एफपीओ) बिक्री निष्काशन गरेको छ ।
लघुवित्तले ३ करोड ५० लाख ९० हजार ४२५ रुपैयाँबराबरको प्रतिकित्ता १०० रुपैयाँ अंकित मूल्यका ३ लाख ५० हजार ९०४.२५ कित्ता सयर निष्काशन गरेको हो ।
एफपीओका लागि लगानीकर्ताले कात्तिक २० गतेसम्म आवेदन दिन सक्नेछन्। उक्त अवधिभित्र पर्याप्त आवेदन नपरेमा निष्काशन अवधि कात्तिक २६ गतेसम्म लम्बिने लघुवित्तले जनाएको छ।
लघुवित्तको एफपीओमा न्यूनतम १० कित्ता र अधिकतम १००० कित्तासम्म आवेदन दिन सकिनेछ । लघुवित्तको धितोपत्र निष्काशन तथा बिक्री प्रबन्धक मुक्तिनाथ क्यापिटल लिमिटेड रहेको छ।
सेयर किन्न इच्छुक लगानीकर्ताले नेपाल धितोपत्र बोर्डबाट स्वीकृती प्राप्त गरेका सम्पूर्ण सि–आस्बा सदस्य बैंक तथा वित्तीय संस्था र सिडिएस एण्ड क्लियरिङ्ग लिमिटेडको ‘मेरो शेयर’ एपबाट समेत आवेदन दिन सकिनेछ ।
एफपीओ निष्काशनका लागि क्रेडिट रेटिङ्ग कम्पनी इक्रा नेपालले लघुवित्तलाई इक्रएनपी इस्यूअर रेटिङ्ग डबल बी माइनस प्रदान गरेको छ। जसले लघुवित्तको वित्तीय दायित्व बहन गर्ने क्षमतामा मध्यम जोखिम रहेको बताउँछ ।
एफपीओ निष्काशनपश्चात लघुवित्तको चुक्ता पूँजी ५९ करोड ९० लाख ९६ हजार ७२८ रुपैयाँ २५ पैसा पुग्नेछ।
All banking information at your fingertips.
शेयर गर्नुहोस
सम्बन्धित समाचार
