एनआईसी एशिया बैंक ‘बेस्ट इन डिजिटल बैंकिङ अवार्ड’बाट सम्मानित
बैंकको खबर । ‘दोस्रो आइसीसी इमर्जिङ एशिया बैंकिङ अवार्ड’ अन्तर्गतको ‘बेस्ट इन डिजिटल बैंकिङ अवार्ड’ एनआईसी एशिया बैंकले प्राप्त गरेको छ ।
‘डिजिटल फस्र्ट बैंक’ बन्ने दीर्घकालीन रणनीति अनुरुप सम्पूर्ण बैंकिङ सेवालाई क्रमिक रुपले डिजिटल माध्यममा रुपान्तरण गरिरहेको अवस्थामा प्राप्त गरेको यो पुरस्कारले ‘डिजिटल बैंकिङ’मा अझ बढी उत्पे्ररणा प्रदान गरेको छ ।
इण्डियन चेम्बर अफ कमर्सको ‘दोस्रो आइसीसी इमर्जिङ एशिया बैंकिङ अवार्ड’ अन्तर्गत २०२४ अगष्ट २३ मा भारतको नयाँ दिल्लीमा आयोजना गरिएको ‘बैंकिङ कनक्लेभ २०२४’मा एनआईसी एशियालाई सो अवार्ड प्रदान भएको बैंकले जनाएको छ ।
अवार्डमा विमस्टेक अन्तर्गतका राष्ट्रहरु नेपालसहित भारत, श्रीलंका, भुटान, म्यानमार लगायतका बैंकहरुले प्रतिस्पर्धा गरेका थिए । यी देशका बैंकहरुले विभिन्न आठ विधामा प्रतिस्पर्धा गरेका थिए, जसमा नेपालबाट एनआईसी एशिया बैंकले उक्त अवार्ड प्राप्त गर्न सफल भएको हो ।
अवार्डमा उत्कृष्ट बैंक छनौट गर्नका लागि इण्डियन च्याम्बर अफ कमर्स अन्तर्गतको आर्थिक मामिला तथा नीति विभागले विभिन्न १७ वटा सूचकहरु निर्धारण गरेको थियो ।
All banking information at your fingertips.
शेयर गर्नुहोस
सम्बन्धित समाचार
