बैंकिङ प्रणालीबाट एक दिनमा १३ अर्ब निक्षेप घट्यो
बैंकको खबर । बैंकिङ प्रणालीमा निक्षेप घट्न थालेको छ । केहीदिन देखि निरन्तर घट्दो क्रममा रहेको निक्षेप साउन २५ गते एक दिनमै १३ अर्ब रुपैयाँ घटेको छ ।
साउन २४ गते बैंक तथा वित्तीय संस्थाको कुल निक्षेप संकलन ६४ खर्ब ३२ अर्ब रुपैयाँ थियो भने २५ गते ६४ खर्ब १९ अर्ब रुपैयाँ कायम भएको छ । २६ गतेयताको तथ्यांक सार्वजनिक भइसकेको छैन ।
समीक्षा समयमा विकास बैंक र फाइनान्स कम्पनीहरुको निक्षेप संकलन एक अर्ब रुपैया बढेको छ भने वाणिज्य बैंकहरुको १३ अर्ब रुपैयाँ घटेको छ ।
कर्जा प्रवाह भने सो एक दिनमा तीन अर्ब रुपैयाँ बढेको देखिएको छ । साउन २४ गते कर्जा प्रवाह ५१ खर्ब ५६ अर्ब रुपैयाँ रहेकोमा २५ गते ५१ खर्ब ५९ अर्ब रुपैयाँ पुगेको छ ।
बैंक तथा वित्तीय संस्थाको कर्जा निक्षेप अनुपात (सीडी रेसियो) ७८.९४ प्रतिशत कायम छ । अन्तरबैंक ब्याजदर तीन प्रतिशत छ ।
All financial information at your fingertips.
शेयर गर्नुहोस
सम्बन्धित समाचार
