नेप्सेमा गिरावट, ९ अर्बको कारोबार
२०८२ असार ८ गते आइतबार ।
काठमाडौँ । सेयरबजारमा कारोबार मापक नेप्से परिसूचक आज दोहोरो अंकले घटेको छ । आज नेप्से ३२.९३ अंकले घटेर २५९५.९७ विन्दुमा कायम भएको छ ।
आज ९ अर्ब १४ करोड ५८ लाख ५८ हजार ५१० रुपैयाँ बराबरको २ करोड १५ लाख ४७ हजार ५५ कित्ता सेयर किनबेच भएको छ ।
आज जोशी हाइड्रोको सेयर मूल्य सबैभन्दा बढी ९.९८ प्रतिशतले बढेको छ । सप्तकोशी डेभलपमेन्ट बैंकको ५.६० प्रतिशतले बढेको छ ।
त्यस्तै पियोर इनर्जीको सेयर मूल्यमा नकारात्मक सर्किट लागेको छ भने युनियन हाइड्रोको सेयर मूल्य ६.२४ प्रतिशतले घटेको छ ।
आज सबै भन्दा बढी कारोबार दोर्दी खोला जल विद्युतको शेयर ७५ करोड ७३ लाख बराबरको कारोबार भएको छ ।
शेयर गर्नुहोस
सम्बन्धित समाचार
