वित्तीय प्रणालीमा साढे १७ करोड निक्षेप पठाउँदै राष्ट्र बैंक
बैंक खबर । नेपाल राष्ट्र बैंकले बैंक तथा वित्तीय संस्थाहरुमा निक्षेप पठाउने भएको छ । केन्द्रीय बैंकले विभिन्न कोषमा रहेको १७ करोड ६७ लाख रुपैयाँ बैंक तथा वित्तीय संस्थामा मुद्दति निक्षेप लगानी गर्न लागेको हो ।
राष्ट्र बैंकले वाणिज्य बैंकहरुमा १४ करोड १४ लाख रुपैयाँ, राष्ट्रिय स्तरका विकास बैंकहरुमा दुुई करोड ६५ लाख रुपैयाँ र राष्ट्रिय स्तरका फाइनान्स कम्पनीहरुमा ८८ लाख रुपैयाँ निक्षेप राख्न लागेको जनाएको छ ।
निक्षेप लिन इच्छुुक बैंक तथा वित्तीय संस्थाले यही कात्तिक १५ गते राती १२ बजेभित्र आफूले लिन चाहेको रकम र ब्याजदर प्रस्ताव पेश गर्नुपर्नेछ ।
यो निक्षेप आगामी मंसिर ४ गतेदेखि २०८१ मंसिर ३ गतेसम्म ३६५ दिनका लागि लगानी गर्न लागेको राष्ट्र बैंकले जनाएको छ।
All financial information at your fingertips.
शेयर गर्नुहोस
रिपोर्ट तथा सूचना
नेपालमा बैंकको इतिहास, जान्नुहोस् बैंकको विकासक्रम
१२ महिना पहिले