प्रभु बैंकले वुलिङ एयर ईभी किन्न ८० प्रतिशतसम्म कर्जा दिने
बैंक खबर । प्रभु बैंकले बज्र ग्रुपअन्तर्गतको ईभी नेपाल मोटर्सले बिक्री गर्दै आएको वुलिङ एयर ईभी किन्न ८० प्रतिशतसम्म कर्जा उपलब्ध गराउने भएको छ । यसम्बन्धी सम्झौतापत्रमा बैंकका सीबीओ रेनुप्रसाद पान्डे र ईभी नेपाल मोटर्सका तर्फबाट एजीएम नवराज कोइरालाले हस्ताक्षर गरेका छन् ।
सम्झौताअनुसार वुलिङ एयर ईभी किन्न चाहने ग्राहकलाई प्रभु बैंकले गाडीको मूल्यको ८० प्रतिशतसम्म कर्जा उपलब्ध गराउने छ। ईभी नेपालले हाल २०० र ३०० किलोमिटर रेन्ज दिने दुई भेरिएन्टमा गाडी बिक्री गर्दै आएको छ । इन्डोनेसियामा निर्माण हुने वुलिङ एयर ईभी विश्वमै लोकप्रिय इलेक्ट्रिक कार हो।
वुलिङ एयर ईभी फोर सिटर र थ्री डोर ह्याचब्याक हो। सिटी ड्राइभिङका लागि उपयुक्त उक्त इलेक्ट्रिक कार ३० किलोवाट क्षमताको छ भने यसमा भएको लिथियम आइरन फस्फेट ब्याट्रीले ३०० किलोमिटरसम्मको रेन्ज दिन्छ।
अत्याधुनिक उपकरण प्रयोग गरिएको र उकालो तथा ओरालो जस्तोसुकै कठिन सडकमा पनि यसलाई चलाउन सकिने कम्पनीको दावी छ ।
रिमोटबाटै सञ्चालन गर्न सकिने, सजिलै घरमा चार्ज गर्न सकिने र १०० रुपैयाँ खर्चमा ३०० किलोमिटर चलाउन सकिने यो इलेक्ट्रिक कार चढ्दा खर्चको बचत हुने, इन्धन हाल्न नपर्ने, सर्भिस र पार्ट्स खर्च नहुने तथा वातावरणसमेत स्वच्छ राख्न सहयोग पुग्ने कम्पनीको भनाइ छ।
यो वुलिङ एयर ईभी कार खरिद गर्ने ग्राहकलाई नेपालभरि उपलब्ध गराउने सुविधा छ। काठमाण्डौको नक्साल, भैँसेपाटी र भक्तपुरमा आधिकारिक शोरुमबाट बिक्री भइरहेको छ। नेपालभरि रहेको ५१ भन्दा बढी नेपाल विद्युत प्राधिकरणको चार्जिङ स्टेसनबाट सजिलै छिटो चार्ज गर्न मिल्नेछ।
All financial information at your fingertips.
शेयर गर्नुहोस
रिपोर्ट तथा सूचना
