सन् नेपाल लाइफले साउन ३२ गतेदेखि प्रिमियममा आईपीओ निष्काशन गर्ने
बीमा खबर । सन् नेपाल लाइफ इन्स्योरेन्सले साउन ३२ गतेदेखि सर्वसाधारणका लागि साधारण सेयर निष्काशन गर्ने भएको छ । इन्स्योरेन्सले वैदेशिक रोजगारीमा गएका नेपालीहरुका लागि आईपीओ निष्काशन गरी बाँडफाँट गरेपश्चात सर्वसाधारणका लागि बिक्री निष्काशन गर्न लागेको हो ।
इन्स्योरेन्सले नेपाल धितोपत्र बोर्डबाट आफ्नो जारी पुँजी ३ अर्ब २० करोड रुपैयाँको ३० प्रतिशतले हुन आउने ९६ करोड रुपैयाँ बराबरको ९६ लाख कित्ता प्रतिकित्ता १३९ रुपैयाँ प्रिमियम थप गरी २३९ रुपैयाँमा बिक्री निष्काशन गर्न अनुमति पाएको थियो ।
वैदेशिक रोजगारीमा गएका नेपालीहरुका लागि निष्काशन गरी बाँडफाँट भई बाँकी भएको सेयरमध्ये ४ लाख ८० हजार कित्ता सामूहिक लगानीकोष र ४ लाख ८० हजार कित्ता कम्पनीका कर्मचारीहरुका लागि सुरक्षित राखेर बाँकी रहेको ७६ लाख ८० हजार कित्ताका सेयर सर्वसधारणमा बिक्री गर्नेछ ।
सर्वसधारणले अंकति मूल्यमा १३९ रुपैयाँ प्रिमियम थप गरी प्रतिकित्ता २३९ रुपैयाँमा आईपीओ भर्न पाउनेछन् । लगानीकर्ताले साउन ३२ गतेदेखि भदौ ४ गतेसम्म आवेदन दिन सक्नेछन् । सो अवधिमा माग भएजति आवेदन नपरे भदौ १४ गतेसम्म बिक्री निष्काशन खुल्ला रहनेछ । लगानीकर्ताले न्यूनतम १० कित्ता देखि अधिकतम २० हजार कित्तासम्मका लागि आवेदन दिन सक्नेछन् ।
All financial information at your figneritps.
शेयर गर्नुहोस
रिपोर्ट तथा सूचना
