यस्तो छ नेपाल पुनर्बिमा कम्पनीको व्यापार, कति कमायो नाफा ? बैंकको खबर १२ महिना पहिले बीमा खबर । नेपाल पुनर्बीमा कम्पनी लिमिटेडले चालु आर्थिक वर्ष २०७९/८० को पहिलो त्रैमासमा १८ करोड ८९ लाख रुपैयाँ खुद नाफा आर्जन गरेको छ । कम्पनील प्रकाशित गरेको वित्तीय विवरण अनुसार असोज मसान्तसम्म कम्पनीले निर्जीवन व्यवसायबाट १७ करोड ८४ लाख र जीवन व्यवसायबाट १ करोड ५ लाख खुद रुपैयाँ नाफा आर्जन गरेको हो । कम्पनीले गत आर्थिक वर्षको पहिलो त्रैमासमा निर्जीवन व्यवसायबाट १६ करोड ४९ लाख र जीवन व्यवसायबाट ७ करोड ५० लाख रुपैयाँ खुद नाफा कमाएको थियो । यस वर्षको पहिलो त्रैमासमा गतवर्षको सोही अवधिको तुलनामा कम्पनीको निर्जीवन व्यवसायबाट भएको नाफा बढेको छ भने जीवन व्यवसायबाट हुने नाफा घटेको छ । ११ अर्ब ६५ करोड रुपैयाँ चुक्ता पूँजी भएको कम्पनीको वार्षिक प्रतिसेयर आम्दानी ६ रुपैयाँ ४८ पैसा छ । यस्तै मूल्य आम्दानी अनुपात ८९.६६ गुणा, प्रतिसेयर नेटवर्थ १७३ रुपैयाँ ३४ पैसा, प्रतिसेयर कुल सम्पत्तिको मूल्य २५७ रुपैयाँ ८७ पैसा रहेको छ । कम्पनीले गुणस्तरीय एवं प्रभावकारी सेवाका कारण जीवन तथा निर्जीवन बीमा कम्पनी, पुनर्बिमा दलाल र अन्तर्राष्ट्रिय पुनर्बीमकहरुको विश्वास हासिल गर्न कम्पनी सक्षम भएको बताएको छ । All banking information at your fingertips शेयर गर्नुहोस रिपोर्ट तथा सूचना प्रिमियममा आईपीओ जारी गर्न आइएमई लाइफ इन्स्योरेन्सले दियो धितोपत्र बोर्डमा आवेदन १२ महिना पहिले महालक्ष्मी लाइफ इन्स्योरेन्सको नाफा बढ्यो १२ महिना पहिले प्रुडेन्सियल इन्स्योरेन्सको वार्षिक साधारणसभा चैत १६ गते, लाभांश पारित गर्ने १२ महिना पहिले
