अमेरिकी डलर हालसम्मकै महँगो
२०८१ मंसिर २६ गते बुधबार ।
बैंकको खबर । नेपाली बजारमा अमेरिकी डलरको भाउ हालसम्मकै महँगो भएको छ। राष्ट्र बैंकले आजका लागि एक डलरको खरिददर १३५ रुपैयाँ ४७ पैसा र बिक्रीदर १३६ रुपैयाँ सात पैसा तोकेको छ । जुन यसअघि मंसिर २० गतेको रेकर्ड मूल्यभन्दा धेरै हो । मंसिर २० गते डलरको खरिददर १३५ रुपैयाँ २९ पैसा र बिक्रीदर १३५ रुपैयाँ ८९ पैसा थियो ।
मंगलबार एक डलरको खरिददर १३५ रुपैयाँ २८ पैसा र बिक्रीदर १३५ रुपैयाँ ८८ पैसा थियो।
अमेरिकी डलरको तुलनामा भारतीय रुपैयाँ कमजोर बन्दा नेपाली रुपैयाँमा दबाब परेको हो । किनभने भारुसँग नेपाली रुपैयाँको स्थिर विनिमय दर छ।
डलरको भाउ महंगिदै जाँदा आयात महँगो हुन्छ, विदेशी ऋणको भार बढेर जान्छ भने विदेश अध्ययन र भ्रमणमा जानेले बढी पैसा तिर्नुपर्छ । डलरको भाउ बढ्दा पर्यटन क्षेत्र, निकासीकर्ता र रेमिट्यान्स पठाउनेलाई भने फाइदा हुन्छ ।
आज अमेरिकी डलरसँगै चिनियाँ युआन, साउदी अरेबियन रियाल, युएई दिराम, मलेसियन रिङ्गेट, साउथ कोरियन वन, कुवेती दिनार, बहराइन दिनार र ओमनि रियालको मूल्य पनि बढेको छ । यस्तै, युरोपियन युरो, अष्ट्रेलियन डलर, क्यानेडियन डलर, जापानी येनको मूल्य भने घटेको छ ।
आजका लागि युरोपियन युरो एकको खरिददर एक सय ४२ रूपैयाँ ६८ पैसा र बिक्रीदर एक सय ४३ रूपैयाँ ३२ पैसा तोकेको छ । यस्तै, युके पाउन्ड स्ट्रलिङ एकको खरिददर एक सय ७२ रूपैयाँ ८९ र बिक्रीदर एक सय ७३ रूपैयाँ ६६ पैसा, स्वीस फ्रयाङ्क एकको खरिदर एक सय ५३ रूपैयाँ ९७ पैसा र बिक्रीदर एक सय ५४ रूपैयाँ ६५ पैसा कायम गरिएको छ ।
केन्द्रीय बैंकले अष्ट्रेलियन डलर एकको खरिददर ८६ रूपैयाँ ६५ पैसा र बिक्रीदर ८७ रूपैयाँ ०३ पैसा, क्यानेडियन डलर एकको खरिदर ९५ रूपैयाँ ६२ पैसा र बिक्रीदर ९६ रूपैयाँ ०४ पैसा, सिङ्गापुर डलर एकको खरिददर एक सय एक रूपैयाँ ०४ पैसा र बिक्रीदर एक सय एक रूपैयाँ ४९ पैसा निर्धारण गरेको छ ।
जापानी येन १० को खरिददर ८ रूपैयाँ ९३ पैसा र बिक्रीदर ८ रूपैयाँ ९७ पैसा, चिनियाँ युआन एकको खरिददर १८ रूपैयाँ ६७ पैसा र बिक्रीदर १८ रूपैयाँ ७६ पैसा, साउदी अरेबियन रियाल एकको खरिददर ३६ रूपैयाँ ०६ पैसा र बिक्रीदर ३६ रूपैयाँ २२ पैसा, कतारी रियाल एकको खरिदर ३७ रूपैयाँ १६ पैसा र बिक्रीदर ३७ रूपैयाँ ३३ पैसा कायम भएको छ ।
All banking information at your fingertips.
शेयर गर्नुहोस
रिपोर्ट तथा सूचना
