सेयरबजार १५.९३ अंकले घट्यो
२०८१ मंसिर २० गते बिहीबार ।
सेयर खबर । सेयरबजारमा बिहीबार कारोबार मापक नेप्से परिसुूचक १५.९३ अंकले घटेर २७३४.९३ विन्दुमा झरेको छ । कारोबार भएका २४४ कम्पनीमध्ये २०१ वटाको सेयरमूल्य घट्दा बजार दबाबमा परेको हो । बजार घटेपनि ४० कम्पनीका सेयरधनीले कमाएका छन भने तीन कम्पनीको सेयरमूल्य स्थिर रहेको छ ।
यसदिन आठ अर्ब ३६ करोड ९६ लाख ८७ हजार ४०२ रुपैयाँको एक करोड ६७ लाख ९७ हजार ७२७ कित्ता सेयर किनबेच भएको छ ।
जीवन बीमा र ब्यापार बाहेक सबै समूह घटेका छन् । जीवन बीमा समूह ०.८० प्रतिशत र व्यापार ३.६७ प्रतिशत बढेको छ । सबैभन्दा धेरै होटल तथा पर्यटन समूह ३.६३ प्रतिशत घटेको छ । त्यसपछि फाइनान्स समूह २.८० प्रतिशत, उत्पादन तथा प्रशोधन १.२८, लघुवित्त १.१४, विकास बैंक १.०८, बैंकिङ ०.९७, लगानी ०.९०, जलविद्युत ०.८८, अन्य ०.४८, म्युचुअल फण्ड ०.२९ र निर्जीवन बीमा ०.०७ प्रतिशत घटेको छ ।
बजार घट्दा पनि खानिखोला हाइड्रोपावरको सेयरमूल्य ९.९८ प्रतिशत र सुपर मादि हाइड्रोपावरको ९.९५ प्रतिशत बढेको छ । सपोर्ट माइक्रोफाइनान्सको सेयरमूल्य सर्वाधिक ८.३७ प्रतिशत घटेको छ । सबैभन्दा धेरै सेयर कारोबार नेपाल फाइनान्सको ४२ करोड १९ लाख ३९ हजार रुपैयाँ बराबरको भएको छ ।
All banking information at your fingertips.
शेयर गर्नुहोस
रिपोर्ट तथा सूचना
