सपोर्ट लघुवित्तले डाक्यो साधारणसभा, बुक क्लोज कहिले ?
२०८१ मंसिर ७ गते शुक्रबार ।
बैंकको खबर । सपोर्ट लघुवित्त वित्तीय संस्थाले पुस ६ गते शनिबार सुनसरीको इटहरी स्थित दुर्गा पार्टी प्यालेसमा वार्षिक साधारणसभा डाकेको छ । साधारणसभा बिहान ११ बजे सुरु हुनेछ ।
लघुवित्तको मंसिर ६ गते बसेको सञ्चालक समितिले सो दिन १०औँ वार्षिक साधारणसभा बोलाउने निर्णय गरेको हो ।
साधारणसभाले सञ्चालक समितिले प्रस्ताव गरेको चुक्ता पुँजीको १३.७७५ प्रतिशत बोनस सेयर र सोको कर प्रयोजनार्थ ०.७२५ प्रतिशत नगद लाभांश वितरण गर्ने प्रस्ताव पारित गर्नेछ ।
वार्षिक साधारणसभा र लाभांश प्रयोजनका लागि लघुवित्तले मंसिर १४ गते शेयरधनी दर्ता किताब बन्द (बुक क्लोज) गर्ने जनाएको छ । यसआधारमा मंसिर १३ गतेसम्म नेप्सेमा कारोबार भई कायम सेयरधनीले वार्षिक सधारणसभामा सहभागि हुन र लाभांश प्राप्त गर्न सक्नेछन् ।
All banking information at your fingertips.
शेयर गर्नुहोस
रिपोर्ट तथा सूचना
