नेप्से ९ अंकले बढ्यो
२०८१ मंसिर ५ गते बुधबार ।
बैंकको खबर । सेयरबजारमा आज नेप्से सामान्य अंकले बढेको छ । कारोबार मापक नेप्से परिसूचक ९.०९ अङ्कले बढेर २७११.७५ विन्दुमा कायम भएको छ। परिसूचक केही बढेपनि कारोबार रकम मंगलबारको तुलनामा घटेको छ । मंगलबार १० अर्ब बढीको कारोबार भएको बजारमा आज बुधबार ७ अर्ब ९ करोड २८ लाख ८० हजार रुपैयाँ बराबरको १ करोड ५४ लाख ६४ हजार ५५२ कित्ता सेयर किनबेच भएको छ ।
कारोबार भएका २४३ कम्पनीमध्ये १४४ वटाको सेयरमूल्य बढ्दा बजार हरियो बनेको हो । बजार बढेपनि यसदिन ८८ कम्पनीका सेयरधनीले गुमाएका छन भने ११ कम्पनीको सेयरमूल्य स्थिर रहेको छ ।
आज बैंकिङ समूह ०.२६, जीवन बिमा ०.१८, निर्जीवन बिमा ०.२१ र अन्य समूह ०.०७ प्रतिशतले घटेको छ भने अरु सबै समूह बढेका छन् ।
सबैभन्दा धेरै विकास बैंक समूह ३.३८ प्रतिशतले बढेको छ । फाइनान्स १.६६, होटल तथा पर्यटन १.४५, जलविद्युत् १.२८, लगानी ०.२०, लघुवित्त ०.०७, म्युचुअल फण्ड ०.३८ र व्यापार समूह ०.२७ प्रतिशतले बढेको छ ।
कर्पोरेट डेभलपमेन्ट बैंक लिमिटेड, सिन्धु विकास बैंक लिमिटेड, नेपाल हाईड्रोडेभलपर्स लिमिटेड, सप्तकोसी डेभलपमेन्ट बैंक लिमिटेड र महिला लघुवित्त वित्तीय संस्था लिमिटेडको सेयर मूल्यमा सकारात्मक सर्किट लागेको छ । गुराँस लघुवित्त वित्तीय संस्था लिमिटेडको सेयर मूल्यमा भने नकारात्मक सर्किट लागेको छ ।
कारोबार रकमका आधारमा आज सबैभन्दा बढी ङादी ग्रुप पावर लिमिटेडको ३२ करोड ८१ लाख ९० हजार रुपैयाँ बराबरको कारोबार भएको छ ।
All banking information at your fingertips.
शेयर गर्नुहोस
रिपोर्ट तथा सूचना
