बैंक तथा वित्तीय संस्थामा १ अर्ब २७ करोड रुपैयाँ निक्षेप राख्दै राष्ट्र बैंक
२०८१ मंसिर २ गते आइतबार ।
बैंकको खबर । नेपाल राष्ट्र बैंकले १ अर्ब २७ करोड रुपैयाँ बैंक तथा वित्तीय संस्थाहरुमा निक्षेप राख्ने भएको छ । राष्ट्र बैंकले उपदान तथा पेन्सन कोषमा रहेकोे पैसा मुद्दति निक्षेपका रुपमा राख्न लागि बैंकहरुसँग प्रस्ताव माग गरेको छ ।
राष्ट्र बैंकले वाणिज्य बैंकहरुमा १ अर्ब १ करोड ६० लाख रुपैयाँ , राष्ट्रियस्तरका विकास बैंकहरुमा १९ करोड ५ लाख रुपैयाा र राष्ट्रियस्तरका वित्तीय संस्थाहरुमा ६ करोड ३५ लाख रुपैयाँ निक्षेप लगानी गर्नृ लागेको हो ।
२०८१ मंसिर ११ गते देखि २०८२ मंसिर १० गतेसम्म ३६६ दिनका लागि मुद्दति निक्षेप राख्न लागेको राष्ट्र बैंकले जनाएको छ । निक्षेप लिन चाहने बैंक तथा वित्तीय संस्थाले चाहेको रकम तथा ब्याजदरसहित मंसिर ४ गते साँझ ७ बजेसम्म प्रस्ताव पेश गर्नुपर्नेछ ।
बैंक तथा वित्तीय संस्था संचालनमा आएको कम्तिमा २ वर्ष पूरा गरेको, न्युनतम पुँजी कोष कायम भएको, निष्कृय कर्जा कर्जा सापटीको ५ प्रतिशत भन्दा कम भएको, तरल सम्पति खुद निक्षेपमा कम्तिमा २० प्रतिशत वा सो भन्दा बढी भएको, रियल स्टेट कर्जा तोकिएको भन्दा कम नभएको, अघिल्लो आर्थिक वर्षको सञ्चालन मुनाफामा रहेको, सर्वसाधारणका लागि छुट्याइएको सेयर जारी भएको लगायतका शर्तहरु पुरा गरेका बैंक तथा वित्तीय संस्थाले प्रस्ताव पेश गर्न सक्नेछन् ।
All banking information at your fingertips.
शेयर गर्नुहोस
रिपोर्ट तथा सूचना
