सबैभन्दा बढी कर तिर्ने बैंकको रुपमा नबिल बैंक सम्मानित
बैंकको खबर । नबिल बैंक नेपालमा सबैभन्दा बढी कर तिर्ने बैंकको रुपमा फेरि सम्मानित भएको छ । राष्ट्रिय कर दिवसको अवसरमा नबिल बैंक लिमिटेड नेपालमा आ.व. २०७९/८० मा बैंक, वित्तीय र बीमा संस्था अन्तर्गत सबैभन्दा बढी कर दाखिला गर्ने संस्थाको रूपमा सम्मानित भएको हो।
आन्तरिक राजस्व विभागले आयोजना गरेको कार्यक्रममा अर्थमन्त्री विष्णुप्रसाद पौडेलले उक्त पुरस्कार प्रदान गरेका हुन् । बैंकका तर्फबाट वरिष्ठ उपप्रमुख कार्यकारी अधिकृत सुजितकुमार शाक्यले प्रमाणपत्र ग्रहण गरेका थिए ।
नबिल बैंकले आर्थिक वर्ष २०६७/६८, २०७०/७१, २०७१/७२, २०७३/७४, २०७५/७६, २०७६/७७ र २०७७/७८ लगायत विगतका वर्षहरूमा पनि धेरै कर तिर्ने बैंकको रुपमा सम्मान पाएको थियो ।
नबिल बैंकले देशव्यापी रूपमा आफ्ना २६८ शाखा र ३२० एटीएम मार्फत २४ लाखभन्दा बढी ग्राहकहरूलाई सेवा प्रदान गर्दै देशको आर्थिक र सामाजिक विकासमा महत्वपूर्ण योगदान पुर्याएको छ ।
All banking information at your fingertips.
शेयर गर्नुहोस
रिपोर्ट तथा सूचना
