१४ अंकले घट्यो नेप्से, किन बढ्यो फाइनान्स कम्पनीहरुमा चलहपहल ?
२०८१ कात्तिक २८ गते बुधबार ।
बैंकको खबर । सेयरबजारमा आज नेप्से परिसूचक १४.१२ अंकले घटेर २७३४.८३ विन्दुमा झरेको छ । सात अर्ब ९१ करोड १९ लाख ७६ हजार रुपैयाँ बराबरको एक करोड ५३ लाख ६२ हजार २०६ कित्ता सेयर किनबेच भएको छ ।
कारोबार भएका २४४ कम्पनीमध्ये १३८ वटाको सेयरमूल्य घट्दा बजार दबाबमा परेको हो । ९९ कम्पनीको सेयरमूल्य भने बढेको छ । बाँकी सात कम्पनीको सेयरमूल्य स्थिर रहेको छ ।
बजारमा गिरावट आएपनि पाँच वटा कम्पनीको सेयरकारोबार सकारातमक सर्किट लेभलमा भएको छ । कुथेली बुखरी हाइड्रोपावरको सेयरमूल्यमा भने नकारात्मक सर्किट लागेको छ ।
सबैभन्दा धेरै कारोबार जानकी फाइनान्सको ३३ करोड ८६ लाख रुपैयाँको भएको छ ।
विकास बैंक, फाइनान्स कम्पनी, जलविद्युत र म्युचुअल फण्ड समूह बढेका छन् । आज सबैभन्दा धेरै आकर्षण फाइनान्स कम्पनीहरुको सेयरमा देखियो । त्यसैले फाइनान्स समूह ४.२० प्रतिशत बढेको छ । बाँकी सबै समूह घटेका छन् ।
All banking information at your fingertips.
शेयर गर्नुहोस
रिपोर्ट तथा सूचना
