सानिमा बैंक र आशा लघुवित्तको लाभांश सुरक्षित गर्ने आज अन्तिम दिन
काठमाडौं, कात्तिक २१ ।
बैंकको खबर । आज (२०८१ कात्तिक २१ गते बुधबार) सानिमा बैंक र आशा लघुवित्तको लाभांश सुरक्षित गर्ने अन्तिम दिन हो । यी दुवै कम्पनीले साधारणसभा तथा लाभांश प्रयोजनको लागि कात्तिक २५ गते बुक क्लोज गर्दैछन् । जसअनुसार कात्तिक २४ गतेसम्म नेप्सेमा कारोबार भई कायम सेयरधनी साधारणसभामा सहभागी हुन र लाभांश प्राप्त गर्न सक्नेछन् । तर भोली कात्तिक २२ गते सार्वजनिक विदा परेको छ भने २३ गते शुक्रबार र २४ गते शनिबार परेको हुँदा ति दिन सेयर कारोबार हुँदैन र त्यसैले आज कात्तिक २१ गतेसम्म नेप्सेमा कारोबार भई कायम रहने सेयरधनीले मात्र साधारणसभामा भाग लिन र लाभांश पाउन सक्नेछन् ।
सानिमा बैंकले गत वर्षको नाफाबाट करसहित ५.२६ प्रतिशत नगद लाभांश वितरण गर्दैछ । सो लाभांश पारित गर्न बैंकले मंसिर ४ गते वार्षिक साधारणसभा डाकेको छ ।
आशा लघुवित्तले १४.२५ प्रतिशत बोनस सेयर र कर प्रयोजनका लागि ०.७५ प्रतिशत नगद लाभांश दिने घोषणा गरेको छ । लघुवित्तले मंसिर ७ गते वार्षिक साधारणसभा गर्ने डाकेको छ ।
All banking information at your fingertips.
शेयर गर्नुहोस
रिपोर्ट तथा सूचना
