ज्योति विकास बैंकका ग्राहकहरुलाई स्काई वाल्क नेपालमा विशेष छुट
बैंकको खबर । ज्योति विकास बैंक लिमिटेडले आफ्ना ग्राहकहरुलाई स्काई वाल्क नेपालमा विशेष छुट प्रदान गर्ने सम्झौता गरेको छ।
बैंकले काठमाडौंको कमलादीस्थित स्काई वाल्क नेपालमा २० प्रतिशतसम्म छुट प्रदान गर्ने सम्झौता गरेको हो। सम्झौतापत्रमा बैंकका तर्फबाट बैंकका मार्केटिंग तथा ब्रान्डिङ विभागका प्रमुख कुशलजंग अधिकारी र स्काई वाल्कको तर्फबाट कम्पनीका प्रमुख कार्यकारी अधिकृत रोहित ज्ञवालीले हस्ताक्षर गरेका हुन् ।
सम्झौतापश्चात, ज्योति विकास बैंकका ग्राहकहरूले स्काई वाल्क नेपालका भ्यू टावर भ्रमण गर्दा टिकट शुल्कमा आकर्षक छुट पाउनेछन्। छोटो समयमै अन्तरिक तथा बाह्य पर्यटकहरुको माझ प्रमुख भ्रमण गन्तब्य बन्न सफल स्काई वाल्क टावर काठमाडौँको दृष्यावलोकनको लागि उचित छ।
ज्योति विकास बैंकले ग्राहकहरुको सुविधालाई प्राथमिकतामा राख्दै, देशका अन्य विभिन्न व्यवसायहरूसँग निरन्तर सहकार्य गर्दै, ग्राहकहरूलाई विशेष छुट र सुविधा प्रदान गर्दै आइरहेको छ।
ज्योति विकास बैंकले उपत्यका र उपत्यकाबाहिर गरी हाल १२१ शाखा कार्यालय, ३ विस्तारित काउन्टर तथा ७५ वटा एटीएम मार्फत बैंकिङ सेवा उपलब्ध गराउँदै आइरहेको छ ।
All banking information at your fingertips.
शेयर गर्नुहोस
रिपोर्ट तथा सूचना
