किन घटिरहेको छ सेयरबजार ?
बैंकको खबर । सेयरबजार बिहीबार पनि घटेको छ । नेप्से परिसूचक १८.२५ अंकले घटेर २६२७.१४ विन्दुमा कायम भएको छ ।
पाँच अर्ब ४१ करोड ९१ लाख रुपैयाँ बराबरको एक करोड २२ लाख ८३ हजार ६२३ कित्ता सेयर किनबेच भएको छ ।
कारोबार भएका २४४ कम्पनीमध्ये १७० वटाको सेयरमूल्य घट्दा बजार दबाबमा परेको हो । ६७ कम्पनीका सेयरधनीले बिहीबार पनि कमाएका छन भने सात कम्पनीको सेयरमूल्य स्थिर रहेको छ ।
जलविद्युत बाहेक सबै समूह घटेका छन् । सबैभन्दा धेरै व्यापार समूह १.९३ प्रतिशत घटेको छ । त्यसपछि उत्पादन तथा प्रशोधन समूह १.२६ प्रतिशत र बैंकिङ सम्रह १.०२ प्रतिशतले घटेको छ ।
नेपाल एसबिआई बैंकको सेयरमूल्य सर्वाधिक ९.७५ प्रतिशत बढेको छ । रावा इनर्जी डेभलपमेन्टको सेयरमूल्य १० प्रतिशत घटेको छ । सबैभन्दा धेरै कारोबार एनएलजी इन्स्योरेन्स कम्पनीको ३४ करोड ३१ लाख रुपैयाँ बराबरको भएको छ ।
All banking information at your fingertips.
शेयर गर्नुहोस
रिपोर्ट तथा सूचना
