लाभांश पारित गर्न स्वावलम्बन लघुवित्तले डाक्यो साधारणसभा
बैंकको खबर । स्वावलम्बन लघुवित्त वित्तीय संस्था लिमिटेडले कात्तिक ३० गते शुक्रबार काठमाडौंको नक्सालस्थित लिसरा रिसेप्सन भगवती बाहलमा २३औँ वार्षिक साधारणसभा डाकेको छ ।
लघुवित्तले गत आर्थिक वर्षको मुनाफबाट सेयरधनीलाई वितरण गर्न घोषणा गरेको लाभांश पारित गर्न साधारणसभा बोलाएको हो । साधारणसभा बिहान ११ बजे शुरु हुने लघुवित्तले जनाएको छ ।
साधारणसभाले सञ्चालक समितिले प्रस्ताव गरेको चुक्ता पूँजीको १४.२५ प्रतिशत बोनस सेयर र सोको कर प्रयोजनार्थ ०.७५ प्रतिशत नगद लाभांश पारित गर्नेछ ।
त्यस्तै, साधारणसभाले प्रबन्धपत्र तथा नियमावलीमा आवश्यक संशोधन गर्न र मर्जर तथा एक्विजिशनसम्बन्धि कार्य गर्न सञ्चालक समितिलाई अख्तियारी दिने, लेखापरीक्षक नियुक्त गर्ने, सर्वसाधारण सेयरधनीहरुको तर्फबाट निर्वाचित सञ्चालकको रिक्त हुने एक स्थानका लागि सञ्चालक निर्वाचन गर्ने लगायतका प्रस्तावहरु पनि पारित गर्नेछ ।
साधारणसभा तथा लाभांश वितरण प्रयोजनका लागि लघुवित्तले कात्तिक ९ गते बुकक्लोज गर्ने भएको छ । त्यसैले कात्तिक ८ गतेसम्म दोस्रो बजारमा सेयर कारोबार भई कायम सेयरधनीले साधारणसभामा सहभागि हुन र लघुवित्तले वितरण गर्ने लाभांश प्राप्त गर्न सक्नेछन् ।
All banking information at your fingertips.
शेयर गर्नुहोस
रिपोर्ट तथा सूचना
