नुवाकोटमा हेलिकोप्टर दुर्घटना, पाँच जनाको मृत्यु
काठमाडौँ, साउन २३ । नुवाकोटको शिवपुरी गाउँपालिका–७ स्थित सूर्यचौरमा एयर डाइनेस्टीको कल साइन ९ एन–एजेडी हेलिकोप्टर दुर्घटना भएको छ । बुधबार दिउँसो १ः५४ बजे भक्तपुरको नलिन्चोकबाट रसुवाको स्याफ्रुबेंसीका लागि उडान भरेको हेलिकोप्टर दिउँसो २ः१४ बजे दुर्घटना भएको हो ।
दुर्घटनामा एक नेपाली सहित पाँच जनाको मृत्यु भएको प्रहरीले पुष्टि गरेको छ । मृत्यु हुनेमा चार पुरुष र एक महिला रहेका छन् । मृत्यु हुने नेपाली नागरिक हेलिकोप्टर पाइलट हुन् ।
हेलिकप्टर दुर्घटनामा परी पाइलट अरुण मल्लसहित चार चिनियाँ (तीन पुरुष र एक महिला) नागरिकको मृत्यु भएको हो । नेपाल नागरिक उड्डयन प्राधिकरणका अनुसार मृत्यु हुनेमा पाइलट मल्ल र चिनियाँ नागरिकहरू जुताड ताङ, ताइ ली, यीयाम वु र जेमिङ जी छन् ।
शेयर गर्नुहोस
रिपोर्ट तथा सूचना
नेपालमा बैंकको इतिहास, जान्नुहोस् बैंकको विकासक्रम
१२ महिना पहिले