डलरको मूल्यमा फेरि नयाँ रेकर्ड
बैंकको खबर । नेपाली बजारमा डलरको मूल्यले फेरि नयाँ रेकर्ड बनाएको छ । आज (२०८१ साउन २२ गते) मंगलबार, नेपाल राष्ट्र बैंकले डलरको बिक्रीदर १३४ रुपैयाँ ४६ पैसा र खरिददर १३३ रुपैयाँ ८६ पैसा तोकेको छ । अमेरिकी डलरको यो मूल्य अहिलेसम्मकै उच्च हो । यसअघि साउन १९ गते डलरको बिक्रीदर १३४ रुपैयाँ ३१ पैसा खरिददर १३३ रुपैयाँ ७१ पैसा थियो ।
नेपाली रुपैयाँको भारतीय रुपैयाँसँग स्थिर विनिमय दर छ । जसले गर्दा भारतीय रुपैयाँ कमजोर बन्दै गइरहेका कारण नेपाली रुपैयाँ पनि कमजोर बन्दै गएको हो ।
डलरको भाउ महँगिदै जाँदा नेपालमा पर्यटन क्षेत्र, निकासीकर्ता र रेमिट्यान्स पठाउने नेपालीलाई फाइदा हुन्छ । अर्कोतर्फ आयात महँगो हुन्छ भने सरकारलाई ऋणको भार बढ्छ, विदेश अध्ययनमा जाने विद्यार्थीले बढी पैसा तिर्नुपर्छ । जसले गर्दा नेपालमा डलरको भाउ महँगिदा फाइदा भन्दा बेफाइदा धेरै हुन्छ ।
यसदिन युरोपियन युरोको एकको बिक्रीदर १४७ रुपैयाँ २१ पैसा र खरिददर १४६ रुपैयाँ ५६ पैसा कायम भएको छ । बेलायतको पाउन्ड स्टर्लिङ्ग एक को बिक्रीदर १७१ रुपैयाँ ३९ पैसा र खरिददर १७० रुपैयाँ ६२ पैसा तोकिएको छ ।
अस्ट्रेलियन डलर एकको बिक्रीदर ८६ रुपैयाँ ७० पैसा र खरिददर ८६ रुपैयाँ ३१ पैसा तोकिएको छ ।
राष्ट्र बैंकले मंगलबारबा लागि कतारी रियाल एकको बिक्रीदर ३६ रुपैयाँ ८७ पैसा र खरिददर ३६ रुपैयाँ ७० पैसा, साउदी अरेबियन रियाल एकको बक्रिीदर ३५ रुपैयाँ ८२ पैसा र खरिददर ३५ रुपैयाँ ६६ पैसा तोकेको छ । मलेसियन रिंगिट एकको बिक्रीदर ३० रुपैयाँ ३९ पैसा र खरिददर ३० रुपैयाँ २५ पैसा तोकेको छ ।
All financial information at your fingeritps.
शेयर गर्नुहोस
रिपोर्ट तथा सूचना
