ग्लोबल आइएमई बैंकले कमायो ६ अर्ब १ करोड रुपैयाँ मुनाफा बैंकको खबर ३ महिना पहिले बैंकको खबर । ग्लोबल आइएमई बैंकको आर्थिक वर्ष २०८०/८१को चौथो त्रैमाससम्मको अपरिष्कृत वित्तीय विवरण सार्वजनिक भएको छ । बैंकले सो वर्ष छ अर्ब १ करोड ६२ लाख रुपैयाँ खुद नाफा कमाएको छ । जुन अघिल्लो आर्थिक वर्ष २०७९/८०को तुलनामा १०.१३ प्रतिशत कम हो । अघिल्लो आर्थिक वर्षमा बैंकले ६ अर्ब ६९ करोड ४३ लाख रुपैयाँ खुद आम्दानी कमाएको थियो । बैंकको खुद ब्याज आम्दानी घटेको र इम्पेरिमेन्ट चार्ज बढेका कारण खुद नाफामा असर परेको हो । यस्तै बैंकको खुद ब्याज आम्दानी पनि घटेको छ । तर खुद फि तथा कमिशन आम्दानी करिब ३० प्रतिशत बढेको छ । बैंकको सञ्चालन मुनाफा पनि ८.२५ प्रतिशत घटेको छ । निक्षेप तथा कर्जा गएको आर्थिक वर्षमा बैंकको निक्षेप बढेको छ । २०८० असार मसान्तमा ४ खर्ब २६ अर्ब ३२ करोड रुपैयाँ निक्षेप रहेकोमा २०८१ असार मसान्तसम्म १४.३४ प्रतिशत बढेर ४ खर्ब ८७ अर्ब ४६ करोड रुपैयाँ पुगेको छ । निक्षेपको तुलनामा कर्जा लगानी कम बढेको छ । एक वर्षमा बैंकले १४ अर्ब ९९ करोड रुपैयाँ (४.२३ प्रतिशत) कर्जा बढाउन सकेको छ । २०८० असारमा ३ खर्ब ५४ अर्ब ४६ करोड रुपैयाँ कर्जा प्रवाह गरेकामा २०८१ असारसम्म कर्जा रकम बढेर ३ खर्ब ६९ अर्ब ४५ करोड रुपैयाँ पुगेको छ । जगेडा कोष ३६ अर्ब १२ करोड ८७ लाख ७० हजार रुपैयाँ सेयर पुँजी रहेको बैंकको जगेडा कोषमा २४ अर्ब ८५ करोड रुपैयाँ सञ्चित छ । वितरणयोग्य मुनाफा बैंकको वितरण योग्य मुनाफा गत आर्थिक वर्षमा भन्दा घटेको छ । २०८१ असार मसान्तमा बैंकको वितरण योग्य मुनाफा १ अर्ब १० करोड ४५ लाख ६६ हजार रुपैयाँ छ । २०८० असार मसान्तमा बैंकको वितरणयोग्य मुनाफा ३ अर्ब २४ करोड ३३ लाख ६२ हजार रुपैयाँ थियो । बैंकको प्रतिसेयर वितरणयोग्य मुनाफा ३ रुपैयाँ ६ पैसा मात्रै छ । वित्तीय सूचकहरु बैंकको नाफा घटेपछि प्रतिसेयर आम्दानी पनि घटेको छ । आर्थिक वर्ष २०७९/८०को तुलनामा आर्थिक वर्ष २०८०/८१मा प्रतिसेयर आम्दानी ५ रुपैयाँ ४१ पैसा घटेर १६ रुपैयाँ ६५ पैसामा झरेको छ । आर्थिक वर्ष २०७९/८०मा प्रतिसेयर आम्दानी २२ रुपैयाँ ६ पैसा थियो । एक वर्षमा बैंकको निष्क्रिय कर्जा १.२२ प्रतिशत विन्दुले बढेको छ । एक वर्षअघि ३.१५ प्रतिशत निष्क्रिय कर्जा रहेकोमा गत असारमा बढेर ४.३७ प्रतिशत पुगेको छ । बैंकको प्रतिसेयर नेटवर्थ १६८ रुपैयाँ ८१ पैसा, मूल्य आम्दानी अनुपात ११.६६ गुणा, प्रतिसेयर कुल सम्पत्तिको मूल्य १ हजार ६ सय ७२ रुपैयाँ ८९ पैसा र तरलता अनुपात ३७.११ प्रतिशत कायम भएको छ । All financial information at your fingertips. शेयर गर्नुहोस रिपोर्ट तथा सूचना बैंक शब्दको सुरुवात कसरी भयो? हेर्नुहोस् बैंकिङ अवधारणा र विकास १२ महिना पहिले सिभिल लघुवित्तको साधारणसभाले पारित गर्यो ११ प्रतिशत बोनस सेयर १२ महिना पहिले नेपालमा बैंकको इतिहास, जान्नुहोस् बैंकको विकासक्रम १२ महिना पहिले
