नेपाल इन्भेष्टमेन्ट मेगा बैंकको नाफा बढ्यो, ईपीएस १५ रुपैयाँ २३ पैसा बैंकको खबर ३ महिना पहिले बैंकको खबर । नेपाल इन्भेष्टमेन्ट मेगा बैंकको आर्थिक वर्ष २०८०/८१को चौथो त्रैमाससम्मको अपरिष्कृत वित्तीय विवरण सार्वजनिक भएको छ । बैंकले गत आर्थिक वर्षमा ५ अर्ब १९ करोड ८३ लाख रुपैयाँ खुद नाफा कमाएको छ । जुन अघिल्लो आर्थिक वर्ष २०७९÷८०को तुलनामा ३९.७१ प्रतिशत बढी हो । अघिल्लो आर्थिक वर्षमा बैंकले ३ अर्ब ७२ करोड ८ लाख रुपैयाँ खुद आम्दानी आर्जन गरेको थियो । बैंकको खुद ब्याज आम्दानी र खुद फि तथा कमिशन आम्दानी बढेका कारण खुद नाफामा सुधार देखिएको छ । बैंकको सञ्चालन आम्दानी १९.६५ प्रतिशत र सञ्चालन मुनाफा २१.६२ प्रतिशत बढेको छ । निक्षेप तथा कर्जा गएको आर्थिक वर्षमा बैंकको निक्षेप बढेको छ । २०८० असार मसान्तमा ३ खर्ब ५४ अर्ब ४१ करोड रुपैयाँ निक्षेप रहेकोमा २०८१ असार मसान्तसम्म १३.८३ प्रतिशत बढेर ४ खर्ब ३ अर्ब ४१ करोड रुपैयाँ पुगेको छ । निक्षेपको तुलनामा कर्जा लगानी भने कम बढेको छ । एक वर्षमा बैंकले ४ अर्ब ६५ करोड रुपैयाँ (१.५४ प्रतिशत) कर्जा बढाउन सकेको छ । २०८० असारमा ३ खर्ब २ अर्ब ८७ करोड रुपैयाँ कर्जा प्रवाह गरेकामा २०८१ असारसम्म कर्जा रकम बढेर ३ खर्ब ७ अर्ब ५२ करोड रुपैयाँ पुगेको छ । जगेडा कोष ३४ अर्ब १२ करोड ८५ लाख ९५ हजार रुपैयाँ सेयर पुँजी रहेको बैंकको जगेडा कोषमा २७ अर्ब १३ करोड ७१ लाख रुपैयाँ सञ्चित छ । वितरणयोग्य मुनाफा बैंकको वितरण योग्य मुनाफा भने ऋणात्मक देखिएको छ । २०८१ असार मसान्तमा बैंकको वितरण योग्य मुनाफा ३ अर्ब ४३ करोड ९ लाख ७४ हजार रुपैयाँ ऋणात्मक छ । २०८० असार मसान्तमा पनि बैंकको वितरणयोग्य मुनाफा ३ अर्ब ४७ करोड १७ लाख २० हजार रुपैयाँ ऋणात्मक थियो । बैंकको प्रतिसेयर वितरणयोग्य मुनाफा १० रुपैयाँ ५ पैसा ऋणात्मक देखिएको छ । वित्तीय सूचकहरु बैंकको नाफा बढेपछि प्रतिसेयर आम्दानी पनि बढेको छ । आर्थिक वर्ष २०७९/८०को तुलनामा आर्थिक वर्ष २०८०/८१मा प्रतिसेयर आम्दानी ४ रुपैयाँ ३३ पैसा बढेर १५ रुपैयाँ २३ पैसा पुगेको छ । आर्थिक वर्ष २०७९/८०मा प्रतिसेयर आम्दानी १० रुपैयाँ ९० पैसा थियो । एक वर्षमा बैंकको निष्क्रिय कर्जा ०.४५ प्रतिशत विन्दुले घटेको छ । एक वर्षअघि १.६६ प्रतिशत निष्क्रिय कर्जा रहेकोमा गत असारमा घटेर १.२१ प्रतिशत कायम भएको छ । बैंकको नेटवर्थ प्रति सेयर १८० रुपैयाँ, मूल्य आम्दानी अनुपात ११.५० गुणा, कायम भएको छ । All financial information at your fingertips. शेयर गर्नुहोस रिपोर्ट तथा सूचना बैंक शब्दको सुरुवात कसरी भयो? हेर्नुहोस् बैंकिङ अवधारणा र विकास १२ महिना पहिले सिभिल लघुवित्तको साधारणसभाले पारित गर्यो ११ प्रतिशत बोनस सेयर १२ महिना पहिले नेपालमा बैंकको इतिहास, जान्नुहोस् बैंकको विकासक्रम १२ महिना पहिले
