घट्यो स्ट्याण्डर्ड चार्टर्डको नाफा, प्रतिसेयर आम्दानी ३५ रुपैयाँ ९ पैसा बैंकको खबर ३ महिना पहिले बैंकको खबर । स्ट्याण्डर्ड चार्टर्ड बैंकको आर्थिक वर्ष २०८०/८१को चौथो त्रैमाससम्मको अपरिष्कृत वित्तीय विवरण सार्वजनिक भएको छ । वित्तीय विवरणअनुसार बैंकले ३ अर्ब ३० करोड ८९ लाख रुपैयाँ खुद नाफा कमाएको छ । जुन अघिल्लो आर्थिक वर्ष २०७९/८०को तुलनामा ४.५१ प्रतिशत कम हो । अघिल्लो आर्थिक वर्षमा ३ अर्ब ४६ करोड ५३ लाख रुपैयाँ खुद आम्दानी आर्जन गरेको थियो । बैंकको खुद ब्याज आम्दानी घटेपछि नाफामा असर परेको हो । अघिल्लो आर्थिक वर्षको तुलनामा बैंकको खुद ब्याज आम्दानी १३.४६ प्रतिशत घटेको छ । आर्थिक वर्ष २०७९/८०मा ५ अर्ब ९५ करोड ६० लाख रुपैयाँ खुद ब्याज आम्दानी गरेकोमा आर्थिक वर्ष २०८०/८१मा ५ अर्ब १५ करोड ४४ लाख रुपैयाँ मात्रै गरेको छ । बैंकको खुद सञ्चालन आम्दानी ७.५३ प्रतिशत र सञ्चालन मुनाफा ४.५३ प्रतिशत घटेको छ । निक्षेप तथा कर्जा गएको आर्थिक वर्षमा बैंकको निक्षेप पनि घटेको छ । २०८० असार मसान्तमा १ खर्ब १७ अर्ब ५० करोड रुपैयाँ निक्षेप रहेकोमा २०८१ असार मसान्तसम्म ५ अर्ब रुपैयाँ घटेर १ खर्ब १२ अर्ब ४८ करोड रुपैयाँ कायम छ । बैंकको कर्जा प्रवाह भने बढेको छ । एक वर्षमा बैंकले ३ अर्ब ३१ करोड रुपैयाँ कर्जा बढाउन सकेको छ । २०८० असारमा ७७ अर्ब ८३ करोड रुपैयाँ कर्जा प्रवाह गरेकामा २०८१ असारसम्म कर्जा रकम बढेर ८१ अर्ब १४ करोड रुपैयाँ पुगेको छ । बैंकले १ खर्ब १२ अर्ब रुपैयाँ निक्षेप संकलन गरी ८१ अर्ब १४ करोड रुपैयाँ कर्जा प्रवह गरेको देखिन्छ । बैंकको सीडी रेसियो ७६.८३ प्रतिशत छ । जगेडा कोष ९ अर्ब ४२ करोड ९४ लाख ५४ हजार रुपैयाँ सेयर पुँजी रहेको बैंकको जगेडा कोषमा ११ अर्ब १३ करोड २ लाख रुपैयाँ सञ्चित छ । वितरणयोग्य मुनाफा बैंकको वितरण योग्य मुनाफा पनि अघिल्लो आर्थिक वर्षको तुलनामा घटेको छ । २०८१ असार मसान्तमा बैंकको वितरण योग्य मुनाफा २ अर्ब ४९ करोड ९१ लाख ६७ हजार रुपैयाँ छ । जुन एक वर्ष अघि २०८० असार मसान्तमा २ अर्ब ७१ करोड ५ लाख ५६ हजार रुपैयाँ थियो । गत आर्थिक वर्ष बैंकको प्रतिसेयर वितरणयोग्य मुनाफा २६ रुपैयाँ ५० पैसा देखिएको छ । वित्तीय सूचकहरु बैंकको नाफा घटेपछि प्रतिसेयर आम्दानी पनि घटेको छ । आर्थिक वर्ष २०७९/८०को तुलनाामा आर्थिक वर्ष २०८०/८१मा प्रतिसेयर आम्दानी १ रुपैयाँ ६६ पैसा घटेर ३५ रुपैयाँ ९ पैसामा झरेको छ । आर्थिक वर्ष २०७९/८०मा प्रतिसेयर आम्दानी ३६ रुपैयाँ ७५ पैसा थियो । एक वर्षमा बैंकको निष्क्रिय कर्जा १.१८ बाट बढेर २.१४ प्रतिशत पुगेको छ । एक वर्षमा निष्क्रिय कर्जा ०.९६ प्रतिशत विन्दु बढेको छ । बैंकको प्रतिसेयर कुल सम्पत्ति मूल्य १ हजार ४ सय ९३ रुपैयाँ छ । यस्तै मूल्य आम्दानी अनुपात १७.१६ र प्रतिसेयर नेटवर्थ २ सय १८ रुपैयाँ ४ पैसा कायम भएको छ । All financial information at your fingertips. शेयर गर्नुहोस रिपोर्ट तथा सूचना बैंक शब्दको सुरुवात कसरी भयो? हेर्नुहोस् बैंकिङ अवधारणा र विकास १२ महिना पहिले सिभिल लघुवित्तको साधारणसभाले पारित गर्यो ११ प्रतिशत बोनस सेयर १२ महिना पहिले नेपालमा बैंकको इतिहास, जान्नुहोस् बैंकको विकासक्रम १२ महिना पहिले
