बैंकहरुले घटाए ब्याजदर

बैंक खबर । फागुन महिनाका लागि अधिकांश बैंकहरुले ब्याजदर घटाएका छन् । बैंकहरुले सोमबार मुद्दति निक्षेपको नयाँ ब्याजदर सार्वजनिक गरेका हुन् । माघको तुलनामा अधिकांश बैंकहरुले ब्याजदर घटाएका छन् । औसतमा ०.४१ प्रतिशत विन्दुले ब्याजदर घटेको छ । 

माघमा व्यक्तिगत मुद्दति निक्षेपको औसत ब्याजदर ८.१७ प्रतिशत रहेकामा फगुनमा घटेर ७.७६ प्रतिशतमा झरेको छ । संस्थागत मुद्दति निक्षेपको औसत ब्याजदर पनि ०.३८ प्रतिशत विन्दु घटेको छ । 

बैंकिङ प्रणालीमा अधिक तरलता भएको र कर्जाको माग न्यून भएपछि बैंकहरुले ब्याजदर घटाउँदै लगेका हुन् । 

१६ वटा वाणिज्य बैंकले निक्षेपको ब्याजदर घटाउँदा चार वटाले माघकै ब्याजदरलाई निरन्तरता दिएका छन् । एभरेष्ट बैंक, लक्ष्मी सनराइज बैंक, माछापुच्छ्रे बैंक र हिमालयन बैंकले माघ महिनाकै ब्याजदरलाई निरन्तरता दिएका छन् । 

एनएमबि बैंकले सबैभन्दा धेरै व्यक्तिगत मुद्दति निक्षेपमा ८.५ प्रतिशत र संस्थागत निक्षेपमा ६.५ प्रतिशत ब्याजदर तोकेको छ ।त्यसपछि सिटिजन्स बैंक इन्टरनेशनलको व्यक्तिगत निक्षेपमा ८.२५ प्रतिशत र संस्थागत निक्षेपमा ६.१५ प्रतिशत ब्याजदर तोकेको छ । 

फागुन महिनाका लागि सिटिजन्स बैंकले नै सबैभन्दा धेरै ब्याजदर घटाएको छ । माघमा व्यक्तिगत मुद्दतिमा ९.१५ प्रतिशत ब्याज दिएको सिटिजन्सले फागुनमा ०.९० प्रतिशत विन्दु घटाएर ८.२५ प्रतिशत तोकेको छ । 

All financial information at your fingertips.

रिपोर्ट तथा सूचना

बैंक शब्दको सुरुवात कसरी भयो? हेर्नुहोस् बैंकिङ अवधारणा र विकास

१२ महिना पहिले

सिभिल लघुवित्तको साधारणसभाले पारित गर्यो ११ प्रतिशत बोनस सेयर

१२ महिना पहिले

नेपालमा बैंकको इतिहास, जान्नुहोस् बैंकको विकासक्रम

१२ महिना पहिले