सेयरबजारमा साढे १० अर्बको कारोबार
२०८१ मंसिर १७ गते सोमबार ।
सेयर खबर । सेयरबजारमा आज साढे १० अर्ब बढीको कारोबार भएको छ । कारोबार सुरु भएपछि केही समय उच्च अंकले बढेको बजारमा पछि सामान्य उतारचढावबीच कारोबार भइरहेको थियो । तरपनि सोमबार मात्रै १० अर्ब ५४ करोड १७ लाख रुपैयाँ बराबरको दुई करोड ३० लाख ११ हजार ३६१ कित्ता सेयर किनबेच भयो ।
कारोबार मापक नेप्से परिसूचक १९.९७ अंकले बढेर दुई हजार सात सय ५८ विन्दुमा कायम भएको छ। कारोबार भएका २४४ कम्पनीमध्ये १२६ वटाको सेयरमूल्य बढेको छ भने १११ वटाको घटेको छ । बाँकी सात वटाको स्थिर रहेको छ ।
आज बैंकिङ ०.५९ प्रतिशत, विकास बैंक १.७२, फाइनान्स १.९७ र अन्य समूह ०.३६ प्रतिशतले घटेको छ भने अरू सबै समूह बढेका छन् । सबैभन्दा धेरै व्यापार समूह ९.७० र होटल तथा पर्यटन समूह ४.९९ प्रतिशतले बढेको छ । त्यस्तै, जलविद्युत् ०.६२, लगानी ०.६०, जीवन बीमा १.९१, उत्पादन तथा प्रशोधन समूह ०.१५, लघुवित्त ०.१५, म्युचुअल फन्ड ०.४१ र निर्जीवन बीमा ०.२० प्रतिशतले बढेको छ ।
तारागाउँ होटल रिजेन्सी लिमिटेड, विशालबजार कम्पनी लिमिटेड र खानीखोला हाइड्रोपावर कम्पनी लिमिटेडको सेयर मूल्यमा सकारात्मक सर्किट लागेको छ । सबैभन्दा धेरै नेपाल फाइनान्स लिमिटेडका सेयरधनीले ८.७२ प्रतिशतले गुमाएका छन् ।
All banking information at your fingertips.
शेयर गर्नुहोस
सम्बन्धित समाचार
