'कन्ट्री रेटिङको नतिजा नेपालका लागि अनुकुल, विदेशी लगानी ल्याउन सहज’ - अर्थमन्त्री पौडेल
२०८१ मंसिर ७ गते शुक्रबार ।
अर्थतन्त्र । अर्थमन्त्री विष्णुप्रसाद पौडेलले नेपाल लगानीका लागि सुरक्षित मुलुक रहेको प्रमाणित भएको बताएका छन् । शुक्रबार मन्त्रालयमा आयोजित पत्रकार सम्मेलनमा अर्थमन्त्री पौडेलले क्रेडिट रेटिङको नतिजाले नेपाल लगानीका लागि सुरक्षित रहेको प्रमाणित भएको दाबी गरेका हुन् ।
सार्वभौम क्रेडिट रेटिङ सबै नेपालीका लागि खुशीको कुरा भएको बताउँदै नेपालमा लगानी गर्न आह्वान गरे । अर्थमन्त्री पौडेलले नेपालको सावैभौम क्रेडिट रेटिङ 'बीबी माइनस’ ग्रेड प्राप्त र यसले नेपालको अर्थतन्त्रको संरचना, सार्वजनिक वित्त परिचालन र समष्टिगत आर्थिक तथा वित्तीय अवस्था र लगानीको वातावरण राम्रो रहेको संकेत गरेको बताए ।
क्रेडिट रेटिङको काम अहिले सुरु गरिएको र यो नै अन्तिम नभएको उनले बताए । क्रेडिट रेटिङलाई निरन्तरता दिने र देशको अर्थतन्त्रको स्वास्थ्य के छ भन्ने कुरालाई आवधिक रुपमा सार्वजनिक गर्दै जाने बताए ।
उनले भने, 'यसपटकको क्रेडिट रेटिङको नतिजाले नेपाल लगानीका लागि अनुकुल गन्तव्य हो र यहाँ गरिने लगानी सुरक्षित हुन्छ भन्ने सन्देश विश्वव्यापी रुपमा दिएको छ ।’
शेयर गर्नुहोस
सम्बन्धित समाचार
