सेयरबजार बढ्यो, फाइनान्स समूहमा सबैभन्दा धेरै आकर्षण
बैंकको खबर । सेयरबजार सोमबार बढेको छ । नेप्से परिसूचक २७.४१ अंकले बढेर २६४५.३६ विन्दुमा बन्द भएको छ । पाँच अर्ब ३४ करोड ४८ लाख रुपैयाँ बराबरको एक करोड चार लाख १८ हजार ९२६ कित्ता सेयर किनबेच भएको छ ।
कारोबार भएका सबै समूह बढेका छन् । सबैभन्दा धेरै फाइनान्स समूह ३.४६ प्रतिशत बढेको छ । त्यसपछि जीवन बीमा समूह १.८४ प्रतिशत, जलविद्युत १.५८, विकास बैंक १.५७, उत्पादन तथा प्रशोधन १.३४, लघुवित्त १.२६, होटल तथा पर्यटन १.५७ प्रतिशत बढेको छ । त्यसपछि लगानी ०.८७ प्रतिशत, म्युचुअल फण्ड र व्यापार समूह ०.७२, निर्जीवन बीमा ०.६४, अन्य ०.५४ र बैंकिङ ०.३४ प्रतिशत बढेको छ ।
कारोबार भएका २४३ कम्पनीमध्ये २१३ वटाको सेयरमूल्य बढ्दा बजारमा हरियाली छाएको हो । बजार बढेपनि २८ कम्पनीका सेयरधनीले गुमाएका छन भने दुई वटाको सेयरमूल्य स्थिर रहेको छ ।
जानकी फाइनान्स र डोल्टी पावर कम्पनीको सेयरमूल्य १० प्रतिशत बढेको छ । पिपुल्स हाइड्रोपावरको सेयरमूल्य सबैभन्दा धेरै ६.०२ प्रतिशतले घटेको छ । सबैभन्दा धेरै सेयर कारोबार नेपाल फाइनानसको ३३ करोड ७९ लाख रुपैयाँ बढीको भएको छ ।
बजार पुँजीकरण ४२ खर्ब आठ अर्ब रुपैयाँ कायम भएको छ । सर्वसाधारणसँग रहेको साधारण सेयरको बजार पुँजीकरण १४ खर्ब ८९ अर्ब रुपैयाँ कायम भएको छ ।
All banking information at your fingertips.
शेयर गर्नुहोस
सम्बन्धित समाचार
