नबिल बैंकको नाफा सबैभन्दा धेरै
बैंक खबर । वाणिज्य बैंकहरुमध्ये नबिल बैंकले सबैभन्दा धेरै नाफा कमाएको छ । चालू आर्थिक वर्षको तेस्रो त्रैमाससम्म बैंकले ४ अर्ब ६६ करोड रुपैयाँ कमाएको छ ।
तर बैंकको नाफा गत वर्षको तुलनामा घटेको छ । वित्तीय विवरणअनुसार गतवर्ष तेस्रो त्रैमाससमम पाँच अर्ब ११ करोड रुपैयाँ खुद नाफा कमाएकोमा यसवर्ष ८.७६ प्रतिशतले गिरवाट आई चार अर्ब ६६ करोड रुपैयाँ कमाएको छ ।
चैत मसान्तसम्म ४ खर्ब ४० अर्ब ४३ करोड निक्षेप संकलन गरी तीन खर्ब ६८ अर्ब ७६ करोड रुपैयाँ कर्जा लगानी गरेको छ । बैंकको खुद ब्याज आम्दानी बढेको भएपनि खर्च बढेका कारण नाफामा कमि आएको देखिन्छ ।
बैंकको नाफामा गिरावट आएपछि प्रतिसेयर आम्दानी पनि घटेको छ । गतवर्षको तेस्रो त्रैमासको तुलनामा बैंकको प्रतिसेयर आम्दानी २ रुपैयाँ २१ पैसा घटेर २३ रुपैयाँमा झरेको छ । बैंकको मूल्य आम्दानी अनुपात १८.८५ गुणा र प्रतिसेयर नेटवर्थ २०८ रुपैयाँ ३९ पैसा कायम छ ।
२७ अर्ब ५ करोड ६९ लाख ९७ हजार रुपैयाँ चुक्ता पुँजी रहेको बैंकको जगेडा कोषमा २९ अर्ब ३२ करोड रुपैयाँ सञ्चित गरको छ ।
बैंकको वितरणयोग्य मुनाफा १ अर्ब ५४ करोड रुपैयाँ छ ।
All financial information at your fingertips.
शेयर गर्नुहोस
सम्बन्धित समाचार
