ग्लोबल आइएमई बैंकको नाफा ७ अर्ब नाघ्यो, प्रतिशेयर आम्दानी कति ? बैंकको खबर १२ महिना पहिले बैंक खबर । ग्लोबल आइएमई बैंकले गत आर्थिक वर्ष २०७९/८०मा ७ अर्ब २५ करोड ३४ लाख रुपैयाँ नाफा कमाएको छ । बैंकले सार्वजनिक गरेको चौथो त्रैमाससम्मको वित्तीय विवरण अनुसार अघिल्लो आर्थिक वर्ष २०७८/७९को तुलनामा खुद नाफा ४६.२६ प्रतिशतले बढेको छ । अघिल्लो आर्थिक वर्षमा बैंकले ४ अर्ब ९५ करोड ९२ लाख रुपैयाँ नाफा कमाएको थियो । बैंकको खुद ब्याज आम्दानी र सञ्चालन मुनाफा बढेका कारण खुद नाफा बढेको देखिन्छ । ब्याज आम्दानी समीक्षा अवधिमा बैंकको खुद ब्याज आम्दानी ६६.३७ प्रतिशतले बढेर १७ अर्ब ११ करोड ८२ लाख रुपैयाँ पुगेको छ । अघिल्लो आर्थिक वर्षमा यस्तो आम्दानी १० अर्ब २८ करोड ९५ लाख रुपैयाँ थियो । सञ्चालन मुनाफा बैंकको सञ्चालन मुनाफ पनि ४४.२६ प्रतिशतले बढेको छ । अघिल्लो आर्थिक वर्षमा ७ अर्ब १८ करोड ७७ लाख रुपैयाँ सञ्चालन मुनाफा रहेकोमा गत आर्थिक वर्षमा १० अर्ब ३६ करोड ८८ लाख रुपैयाँ पुगेको छ । निक्षेप तथा लगानी बैंकको निक्षेप ५३.९३ प्रतिशतले बढेर ४ खर्ब २६ अर्ब ३२ करोड ५४ लाख रुपैयाँ पुगेको छ । निक्षेपको तुलनामा कर्जा लगानीको वृद्धिदर केही कम छ । एक वर्षमा बैंकको कर्जा लगानी ३८.०९ प्रतिशतले बढेर ३ खर्ब ५६ अर्ब ३९ करोड ४७ लाख रुपैयाँ पुगेको छ । अघिल्लो आर्थिक वर्षमा बैंकको निक्षेप २ खर्ब ७६ अर्ब ९६ करोड ४९ लाख रुपैयाँ थियो भने कर्जा लगानी २ खर्ब ५८ अर्ब ८ करोड ७५ लाख रुपैयाँ थियो । जगेडा कोष ३५ अर्ब ७७ करोड १० लाख रुपैयाँ चुक्ता पुँजी रहेको बैंकको जगेडा कोषमा २२ अर्ब ९१ करोड १६ लाख रुपैयाँ सञ्चिति देखिन्छ । यसमध्ये १९ अर्ब ९५ करोड ४७ लाख रुपैयाँ रिजर्भ कोषमा छ भने रिटेन्ड अर्निङ्समा २ अर्ब ९५ करोड ६९ लाख रुपैयाँ रहेको छ । सूचकहरु नाफा बढेपनि बैंकको प्रतिशेयर आम्दानी घटेको छ । वित्तीय विवरणअनुसार प्रतिशेयर आम्दानी ५६ पैसा घटेर २० रुपैयाँ २८ पैसामा झरेको छ । अघिल्लो आर्थिक वर्षमा बैंकको प्रतिशेयर आम्दानी २० रुपैयाँ ८४ पैसा थियो । यस्तै, बैंकको मूल्य आम्दानी अनुपात ९.१७ गुणा, प्रतिशेयर नेटवर्थ १६४ रुपैयाँ ५ पैसा र कस्ट अफ फण्ड ८.१८ प्रतिशत रहेको छ । समीक्षा अवधिमा बैंकको खराब कर्जा भने १.२८ प्रतिशतबाट बढेर ३.०८ प्रतिशत पुगेको छ । वितरणयोग्य मुनाफा बैंकको वितरणयोग्य मुनाफा २ अर्ब ९५ करोड ६९ लाख ५६ हजार रुपैयाँ रहेको छ । जुन अघिल्लो आर्थिक वर्षको तुलनामा ८.७१ प्रतिशतले कम हो । अघिल्लो आर्थिक वर्षमा बैंकको वितरणयोग्य मुनाफा ३ अर्ब २३ करोड ९२ लाख २६ हजार रुपैयाँ थियो । यो आधारमा बैंकको प्रतिशेयर वितरण योग्य आम्दानी ८ रुपैयाँ २७ पैसा छ । All financial information at your fingertips. शेयर गर्नुहोस रिपोर्ट तथा सूचना २०७९ चैत महिनाका लागि सिद्धार्थ बैंकको नयाँ ब्याजदर सार्वजनिक १२ महिना पहिले कर्णाली डेभलपमेन्ट बैंकको नयाँ ब्याजदर सार्वजनिक १२ महिना पहिले चिलिमे जलविद्युतले जम्मा गर्यो शेयरधनीको हितग्राही खातामा ७.५ प्रतिशत बोनस शेयर १२ महिना पहिले
