पेट्रोलको मूल्य प्रतिलिटर ९ रुपैयाँ र डिजेल ७ रुपैयाँले बढ्यो
अर्थतन्त्र । नेपाल आयल निगमले पेट्रोल र डिजेलको मूल्य बढाएको छ । खाना पकाउने ग्याँसको मूल्य भने घटाएको छ । निगमले स्वचालित मूल्य प्रणाली २०८० अनुसार पेट्रोल प्रतिलिटर ९ रुपैयाँ र डिजेल तथा मट्टिटेल ७ रुपैयाँले बढाएको छ । खाना पकाउने ग्याँस प्रति सिलिन्डर १३० रुपैयाँ घटाएको छ ।
निगमले भारतीय आयल निगमले अगस्ट १ मा पेट्रोलमा प्रतिलिटर ८.१४ रुपैयाँ र डिजेलमा ६.८६ रुपैयाँ मूल्य बढाएर पठाएको थियो । सोही मूल्यमा मूल्य अभिवृद्धि कर समायोजन गरेर मूल्य बढाएको हो ।
भारतीय आयल निगमले खाना पकाउने एलपी ग्यासको मूल्य प्रतिसिलिन्डर ११७.६२ रुपैयाँले घटाएर पठाएको छ । निगमले साविकको खुद्रा बिक्री मूल्यमा प्रतिसिलिन्डर १३० रुपैयाँ घटाएर १६६० रुपैयाँ कायम गरेको छ ।
निगमका अनुसार ठाउँ अनुसार पेट्रोल, डिजेल र मट्टितेलको मूल्य फरक हुनेछ ।
All financial information at your fingertips.
