निफ्राको नाफा करिब ४३ प्रतिशत बढ्यो, ईपीएस ६ रुपैयाँ ७६ पैसा बैंकको खबर १२ महिना पहिले बैंक खबर । नेपाल इन्फ्रास्ट्रक्चर बैंक लिमिटेड (निफ्रा)ले गत आर्थिक वर्ष २०७९/८०को चौथो त्रैमासको अपरिष्कृत वित्तीय विवरण सार्वजनिक गरेको छ । बैंकको ब्याज आम्दानी बढेसँगै नाफामा पनि उल्लेख्य सुधार भएको छ । बैंकले कुल १ अर्ब ४५ करोड ९२ लाख रुपैयाँ खुद नाफा कमाएको छ । जुन अघिल्लो आर्थिक वर्षको तुलनामा ४२.७१ प्रतिशतले बढी हो । आर्थिक वर्ष २०७८/७९मा बैंकले कुल १ अर्ब २ करोड २५ लाख रुपैयाँ नाफा कमाएको थियो । बैंकको खुद ब्याज आम्दानी ४४.७५ प्रतिशतले बढेपछि नाफा बढेको हो । यो अवधिमा बैंकको खुद फि तथा कमिशन आम्दानी पनि १३६.३७ प्रतिशतले बढेको छ । बैंकको वितरण योग्य मुनाफा १ अर्ब ५ करोड ४९ लाख रुपैयाँ रहेको छ । २१ अर्ब ६० करोड रुपैयाँ चुक्ता पुँजी रहेको बैंको जगेडा कोषमा २ अर्ब २८ करोड रुपैयाँ सञ्चित छ । बैंकको प्रति शेयर आम्दानी ६ रुपैयाँ ७६ पैसा, प्रति शेयर कुल सम्पत्तिको मूल्य १२९ रुपैयाँ ५९ पैसा, मूल्य आम्दानी अनुपात ३३.१६ गुणा, तरलता अनुपात ५१७.९४ प्रतिशत, प्रति शेयर नेटवर्थ ११० रुपैयाँ ५७ पैसा रहेको छ । All financial information at your fingertips. शेयर गर्नुहोस रिपोर्ट तथा सूचना २०७९ चैत महिनाका लागि सिद्धार्थ बैंकको नयाँ ब्याजदर सार्वजनिक १२ महिना पहिले कर्णाली डेभलपमेन्ट बैंकको नयाँ ब्याजदर सार्वजनिक १२ महिना पहिले चिलिमे जलविद्युतले जम्मा गर्यो शेयरधनीको हितग्राही खातामा ७.५ प्रतिशत बोनस शेयर १२ महिना पहिले
